বলীউডৰ জনপ্ৰিয় অভিনেত্ৰী কিয়াৰা আদৱানী বৰ্তমান বাতৰিৰ শিৰোনাম দখল কৰিছে তেওঁৰ বহু প্ৰত্যাশিত ছবি ‘গেম চেঞ্জাৰ’ৰ বাবে। দক্ষিণৰ ছুপাৰষ্টাৰ ৰাম চৰণৰ সৈতে ৰোমাঞ্চ কৰা দেখা গৈছে অভিনেত্ৰী কিয়াৰাক। অনুৰাগীসকলেও এই ছবিখনৰ মুক্তিৰ বাবে আগ্ৰহেৰে অপেক্ষা কৰি আছে। বৰ্তমান দুয়োগৰাকী তাৰকাই ছবিৰ দলৰ সৈতে ছবিখনৰ প্ৰচাৰত ব্যস্ত। ইফালে তেওঁৰ অনুৰাগীৰ বাবে আছে ডাঙৰ খবৰ। জানিব পৰা মতে কিয়াৰাক মুম্বাইৰ এখন চিকিৎসালয়ত ভৰ্তি কৰা হৈছে।(Kiara Advani)
আজি তেওঁ ছবিখনৰ প্ৰচাৰ অনুষ্ঠানত অংশগ্ৰহণ কৰিব নোৱাৰিলে। আজি পুৱা কিয়াৰাক চিকিৎসালয়ত ভৰ্তি কৰোৱা হৈছে। অৱশ্যে তেওঁৰ অসুস্থতাৰ কাৰণ এতিয়াও স্পষ্ট হোৱা নাই। এই খবৰ ওলোৱাৰ পিছত অভিনেত্ৰীগৰাকীক লৈ তেওঁৰ অনুৰাগীৰ চিন্তা বাঢ়িছে আৰু তেওঁলোকে তেওঁৰ স্বাস্থ্যৰ আপডেটৰ বাবে অপেক্ষা কৰি আছে।
বৰ্তমান সময়ত কিয়াৰাৰ স্বাস্থ্য সন্দৰ্ভত কিয়াৰাৰ দল বা ছবিখনৰ প্ৰডাকচন টিমে কোনো ধৰণৰ মন্তব্য দিয়া নাই। আশা কৰা হৈছে যে অতি সোনকালে এই সন্দৰ্ভত কিছু তথ্য ওলাব পাৰে বা অভিনেত্ৰীগৰাকীয়ে নিজেই নিজৰ স্বাস্থ্যৰ আপডেট অনুৰাগীৰ সৈতে শ্বেয়াৰ কৰিব পাৰে। শেহতীয়াকৈ তেওঁৰ ছবি ‘গেম চেঞ্জাৰ’ৰ ট্ৰেইলাৰ মুকলি কৰা হয়, যিয়ে দৰ্শকৰ ভাল সঁহাৰি লাভ কৰে আৰু এতিয়া অনুৰাগীসকলে এই ছবিখন ডাঙৰ পৰ্দালৈ অহাৰ বাবে অপেক্ষা কৰি আছে।
৫০০ কোটি টকাৰ বাজেটেৰে নিৰ্মিত এই বৰ্ষৰ প্ৰথমখন মেগা বাজেট ছবি। গ্ৰেট অন্ধ্ৰৰ প্ৰতিবেদন অনুসৰি ৰাম চৰণে পূৰ্বে এই ছবিখনৰ মাচুল ১০০ কোটি টকা নিৰ্ধাৰণ কৰিছিল যদিও প্ৰডাকচন খৰচ বৃদ্ধিৰ বাবে মাচুল ৬৫ কোটি টকালৈ হ্ৰাস কৰে। একে সময়তে ছবিখনৰ বাবে কিয়াৰাই লাভ কৰিছে ৫-৭ কোটি টকা। ১০ জানুৱাৰীত মুক্তি পাব ছবিখনে।