আজি ৰঙিয়া ন্যায়িক দণ্ডাধীশ আদালত চৌহদৰ ভিতৰত থকা ৰঙিয়া উকীল সন্থাৰ প্ৰাঙ্গণত এক গাম্ভীৰ্য্যপূৰ্ণ অনুষ্ঠানত অধিবক্তা সকলৰ উপস্থিতিত এখন গ্ৰন্থ উন্মোচন কৰা হয়।আইনবিষয়ক The Law of Evidence নামৰ গ্ৰন্থ খন লিখি উলিয়াইছে জ্যেষ্ঠ অধিবক্তা তথা আলিগড় মুছলিম বিশ্ববিদ্যালয়ৰ অধ্যাপক ডঃ আবচাৰ কিদৱাই আৰু ৰঙিয়াৰ সু-সন্তান অধিবক্তা তথা গুৱাহাটীৰ জ্ঞানদাভিৰাম বৰুৱা আইন মহাবিদ্যালয়ৰ অধ্যক্ষ ডঃ মালবিকা তালুকডাৰে।গ্ৰন্থ উন্মোচনী সভাত ৰঙিয়া উকীল সন্থাৰ কেইবাগৰাকীও জ্যেষ্ঠ অধিবক্তাই শুভেচ্ছামূলক বক্তব্য ৰখাৰ ওপৰিও লিখক ডঃ মালবিকা তালুকডাৰে গ্ৰন্থখনৰ বিষয়ে বিষদ বিৱৰণ দাঙি ধৰে।আশাকৰা হৈছে উক্ত গ্ৰন্থখনে অধিবক্তা সমাজৰ যথেষ্ট উপকাৰ সাধন কৰিব।গ্ৰন্থ খনৰ মূল্য হৈছে ৬৯৫ টকা।ইউনিভাৰ্চিটি বুক হাউচ প্ৰকাশ কৰা গ্ৰন্থখন ইতিমধ্যেই অনলাইন এপ ফ্লিপকাৰ্ট আৰু এমাজনত উপলব্ধ হৈছে।
