গুৱাহাটী, ১৫ ডিচেম্বৰঃ তবলাৰ সম্ৰাট জাকিৰ হুছেইন(Zakir Hussain) আৰু নাই।হৃদযন্ত্ৰৰ সমস্যাৰ সৈতে যুঁজি থাকি চিকিৎসাধীন হৈ থকা জাকিৰ হুছেইনৰ আজি আমেৰিকাৰ এখন চিকিৎসালয়ত(San Francisco hospital) মৃত্যু ঘটে।
মৃত্যুৰ সময়ত তেওঁৰ বয়স আছিল ৭৩ বছৰ।(Legendary Tabla Maestro) তেওঁৰ মেনেজাৰ নিৰ্মলা বাচানীয়ে প্ৰকাশ কৰা মতে হুছেইনক ছান ফ্ৰান্সিস্কোৰ এখন চিকিৎসালয়ত ভৰ্তি কৰোৱা হৈছিল।
কিংবদন্তি তবলাবাদক আল্লাহ ৰাখাৰ জ্যেষ্ঠ পুত্ৰ জাকিৰ হুছেইনে পিতৃৰ পদাংক অনুসৰণ কৰি ভাৰত আৰু সমগ্ৰ বিশ্বতে এক পৰিচিত নাম হৈ পৰিছিল। মাত্ৰ ১৩ বছৰ বয়সৰ পৰাই জাকিৰ হুছেইনে তেওঁৰ প্ৰতিভাৰ বলত বহুতৰে মাজত চিনাকি হৈ পৰিছিল।(flautist Rakesh Chaurasia)
জীৱনকালত বহু বঁটা লাভ কৰা জাকিৰ হুছেইনে তেওঁৰ কেৰিয়াৰত পাঁচটা গ্ৰেমী বঁটা লাভ কৰিছিল। তেওঁ তিনিটা গ্ৰেমী বঁটা লাভ কৰিছিল চলিত বৰ্ষৰ আৰম্ভণিতে ৬৬ সংখ্যক গ্ৰেমী বঁটা অনুষ্ঠানত।(Manager Nirmala Bachani)
ভাৰতৰ অন্যতম বিখ্যাত শাস্ত্ৰীয় সংগীতজ্ঞ জাকিৰ হুছেইনক ১৯৮৮ চনত পদ্মশ্ৰী, ২০০২ চনত পদ্মভূষণ আৰু ২০২৩ চনত পদ্ম বিভূষণ বঁটা আগবঢ়োৱা হৈছিল।