মহাৰাষ্ট্ৰ বিশ্ববিদ্যালয়, মহাবিদ্যালয়সমূহক আৰ এছ এছ নেতাৰ জন্ম শতবাৰ্ষিকী পালনৰ নিৰ্দেশ ইউজিচিৰ ।ইউজিচিয়ে সমগ্ৰ মহাৰাষ্ট্ৰৰ বিশ্ববিদ্যালয় আৰু অনুমোদিত মহাবিদ্যালয়সমূহক আৰ এছ এছৰ নেতা আৰু এবিভিপিৰ প্ৰতিষ্ঠাপক সদস্য দত্তজী দিডলকাৰৰ জন্ম শতবাৰ্ষিকী উদযাপনত কৰিবলৈ কৈছে। শিৱসেনাৰ (ইউবিটি) যুৱ শাখাই ইউজিচিৰ পত্ৰখনত আপত্তি দৰ্শাইছে আৰু ইয়াক প্ৰত্যাহাৰ কৰিবলৈ আহ্বান জনাইছে। বিশ্ববিদ্যালয় অনুদান আয়োগে সমগ্ৰ মহাৰাষ্ট্ৰৰ বিশ্ববিদ্যালয় আৰু মহাবিদ্যালয়সমূহক ৰাষ্ট্ৰীয় স্বয়ংসেৱক সংঘৰ (আৰএছএছ) নেতা দত্তজী দিডলকাৰৰ জন্ম শতবাৰ্ষিকী বৰ্ষ উপলক্ষে আয়োজিত অনুষ্ঠানত অংশগ্ৰহণ কৰিবলৈ শিক্ষাৰ্থীসকলক উৎসাহিত কৰিবলৈ আহ্বান জনাইছে।
২১ নৱেম্বৰৰ এখন পত্ৰত ইউজিচিয়ে কয়, “স্বৰ্গীয় দত্তজী দিডলকাৰ ভাৰতৰ হাজাৰ হাজাৰ শিক্ষাৰ্থী আৰু যুৱসকলৰ বাবে এক অনুপ্ৰেৰণা আছিল। তেওঁ বহু সামাজিক আৰু অন্যান্য সংগঠনৰ প্ৰতিষ্ঠাপক আছিল। এই বছৰটো তেওঁৰ জন্ম শতবাৰ্ষিকী বৰ্ষ। এই ক্ষেত্ৰত কোৱা হৈছে যে ৭ আগষ্ট ২০২৩ ৰ পৰা ৭ আগষ্ট ২০২৪ লৈ জন্ম শতবাৰ্ষিকী উদযাপন কৰাৰ বাবে বিভিন্ন কাৰ্যসূচীৰ পৰিকল্পনা কৰা হৈছে। মহাৰাষ্ট্ৰৰ উচ্চ শিক্ষা প্ৰতিষ্ঠানসমূহক যুৱ আৰু শিক্ষাৰ্থীসকলক কাৰ্যসূচীসমূহত অংশগ্ৰহণ কৰিবলৈ উৎসাহিত কৰিবলৈ অনুৰোধ জনোৱা হৈছে।” কেন্দ্ৰীয় মন্ত্ৰী নীতিন গাডকাৰীয়ে কেন্দ্ৰীয় শিক্ষা মন্ত্ৰী ধৰ্মেন্দ্ৰ প্ৰধানলৈ এখন পত্ৰ লিখাৰ পিছত ইউজিচিৰ এনে নিৰ্দেশনা আহে। য’ত কোৱা হৈছে যে দিডলকাৰক স্মৰণ কৰিবলৈ বিভিন্ন অনুষ্ঠানৰ আয়োজন কৰা হ’ব। তেওঁ অখিল ভাৰতীয় বিদ্যাৰ্থী পৰিষদৰো (এবিভিপি) প্ৰতিষ্ঠাপক সদস্য আছিল। গাডকাৰীয়ে লিখিছিল যে এ তেওঁৰ স্মৃতিত খন স্মাৰক পুস্তিকা প্ৰকাশ কৰা হ’ব। শিৱসেনাৰ (ইউবিটি) যুৱ সেনাৰ মুম্বাই বিশ্ববিদ্যালয়ৰ চিনেটৰ প্ৰাক্তন সদস্য প্ৰদীপ সাৱন্তে কয়, “আমি জন্ম শতবাৰ্ষিকী উদযাপন কৰাৰ বিৰোধী নহয়। কিন্তু এই কামটো ৰাজনৈতিক দল আৰু আৰ এছ এছে তেওঁলোকৰ নিজা পুঁজিৰে কৰা উচিত। ইয়াক মহাবিদ্যালয় আৰু বিশ্ববিদ্যালয়ৰ ওপৰত আৰোপ কৰা উচিত নহয়।”
তেওঁ লগতে প্ৰশ্ন কৰে “অনুষ্ঠানটো নাগপুৰত অনুষ্ঠিত হ’ব। কিন্তু মহাৰাষ্ট্ৰৰ সকলো উচ্চ শিক্ষা প্ৰতিষ্ঠানলৈ কিয় পত্ৰ জাৰী কৰা হৈছে?” এবিভিপিৰ কোঙ্কন অঞ্চলৰ মুৰব্বী অমিত ধোমছে কয়, “দত্তজী দিডলকাৰে সামাজিক আৰু শিক্ষা খণ্ডত যথেষ্ট অৱদান আগবঢ়াইছে। তেওঁ বিবেকানন্দ স্মাৰক নিৰ্মাণ সংগ্ৰামৰ শীৰ্ষত আছিল। এনে সমাজকৰ্মীৰ জন্ম শতবাৰ্ষিকী উদযাপন কৰাটো আমাৰ সংস্কৃতি। যুৱ সেনাই ৰাজনীতিক টানি অনাৰ পৰিৱৰ্তে দিডলকাৰৰ শৈক্ষিক আৰু সামাজিক অৱদান অধ্যয়ন কৰা উচিত।”