মাজুলীৰ উচ্চ শিক্ষানুষ্ঠান ঐতিহ্যমণ্ডিত মাজুলী মহাবিদ্যালয়ৰ ২০২১-২২ বৰ্ষৰ ছাত্ৰ একতা সভাৰ সাধাৰণ নিৰ্বাচনত অখিল ভাৰতীয় বিদ্যাৰ্থী পৰিষদৰ সমৰ্থিত প্ৰাৰ্থী সকলে বিপুল ভোটত জয়লাভ কৰে। ক্ৰমে এবিভিপিৰ হৈ সভাপতি পদত সঞ্জয় ৰেগণ, উপ:সভাপতিৰ পদত কমলাকান্ত পায়েং, সাধাৰণ সম্পাদকৰ পদত আকাশ পেগু,সাংস্কৃতিক সম্পাদিকাৰ পদত নিহাৰিকা শইকীয়া,তৰ্ক সম্পাদিকাৰ পদত জ্যোৎস্না গায়ন,উৎসৱ সম্পাদকৰ পদত পার্থ কলিতা আৰু আলোচনী সম্পাদকৰ পদত দেৱজিৎ শইকীয়াই বিজয় লাভ কৰে। বৃহৎ ব্যৱধানত বিদ্যাৰ্থী পৰিষদে বিপুল ভোটত জয়লাভ কৰাত মহাবিদ্যালয় খনৰ সকলো এবিভিপিৰ কাৰ্যকৰ্তা উল্লাসিত হৈছে । জয়লাভ কৰা সকলো সদস্যকে জিলা সাংগঠনিক সম্পাদক ৰূপজ্যোতি সোণোৱাল , ৰাজ্যিক কাৰ্যনিৰ্বাহক ভাৰ্গব প্ৰতীম বৰুৱা,সংযোজক লোহিত বৰুৱাই অভিনন্দন জনায়। আৰ.এছ.এছ.ৰ জিলা কাৰ্যবাহ ত্ৰিণয়ন দত্ত, এবিভিপিৰ প্ৰাক্তন ৰাজ্যিক যুটীয়া সম্পাদক বিশ্বজিৎ খাউণ্ডেও সকলো বিজয়ী প্ৰাৰ্থীলৈ অভিনন্দন জনায়।
