১ জানুৱাৰী, ২০২৫ : Mamata Banerjee । ১৩ বছৰ ধৰি বংগৰ মুখ্যমন্ত্ৰীৰ পদত অধিষ্ঠিত হোৱা মমতাৰ মুঠ সম্পত্তিৰ মূল্য ১৫ লাখ টকা। এডিআৰ(Association for Democratic Reforms)ৰ তথ্য অনুসৰি যোৱা ৩ বছৰত মমতা বেনাৰ্জীৰ ধন-সম্পত্তি যথেষ্ঠ কমিছে। ২০২১ চনৰ বিধানসভা নিৰ্বাচনত মমতা বেনাৰ্জীয়ে প্ৰকাশ কৰিছিল ১৬.৭২ লাখ টকাৰ সম্পত্তি।
বৰ্তমান বংগৰ মুখ্যমন্ত্ৰীৰ পদত অধিষ্ঠিত মমতা বেনাৰ্জী। মুখ্যমন্ত্ৰী হোৱাৰ পূৰ্বে মমতা কেন্দ্ৰীয় মন্ত্ৰী আৰু সাংসদ আছিল। পেঞ্চনৰ নিয়ম অনুসৰি মমতাই প্ৰতিমাহে কেন্দ্ৰীয় চৰকাৰৰ পৰা ৫০ হাজাৰ টকা পৰ্যন্ত পেঞ্চনৰ ধন লাভ কৰে, কিন্তু ২০১১ চনৰ পৰা মমতাই এই ধন লোৱা নাই।
পশ্চিম বংগত মুখ্যমন্ত্রীয়ে ২ লাখ ১০ হাজাৰ টকাৰ দৰমহা পোৱাৰ ব্যৱস্থা আছে যদিও মমতাই মুখ্যমন্ত্রীৰ দৰমহাও নলয়৷ এই ধন পুঁজিলৈ দান কৰে। এটা সাক্ষাৎকাৰত মমতাই কৈছিল যে, মই চৰকাৰী ধনৰ চাহো নাখাওঁ। মই মোৰ সকলো খৰচ নিজেই বহন কৰিবলৈ চেষ্টা কৰোঁ।