মানিকপুৰত IPL ক্ৰিকেট জুৱা খেল চক্ৰৰ বিৰুদ্ধে সৰৱ হৈ উঠিছে মানিকপুৰ আৰক্ষী। আজি নিশা মানিকপুৰ আৰক্ষী বিষয়া অজয় কুমাৰ সাহাৰ নেতৃত্বত পাতিলাদহা বজাৰত অভিযান চলায় আৰু দুজনকৈ জুৱাৰীক হাতেলোটে গ্ৰেপ্তাৰ কৰিবলৈ সক্ষম হয়। গ্ৰেপ্তাৰ হোৱা জুৱাৰী দুজন পাতিলাদহাৰ সমীৰণ বৰুৱা আৰু আজগৰ আলী। জুৱাৰী দুজনৰ পৰা দুটা মোবাইল আৰু ৰেজিষ্টাৰ বহী জব্দ কৰে আৰক্ষীয়ে। জুৱাৰী দুজনক আৰক্ষীয়ে জেৰা অব্যাহত ৰাখিছে আৰু ইয়াৰ লগত জড়িত চক্ৰটোক আটক কৰিবলৈ অভিযান চলাই আছে।
ইফালে যোৱা নিশা অভিযান চলাই ড্ৰাগছৰ লগত জড়িত ইয়াকুব আলী মণ্ডল নামৰ আন এজন মোষ্ট ওৱানটেড অপৰাধীজনক গ্ৰেপ্তাৰ কৰিবলৈ সক্ষম হৈছে।