বৰ্তমান নিৰামিষ খাদ্য ক্ৰমান্বয়ে জনপ্ৰিয় হৈ পৰিছে। এই খাদ্য স্বাস্থ্য আৰু পৰিৱেশ উভয়ৰে বাবে উপকাৰী বুলি বিভিন্ন মহলে দাবী কৰিছে। এই খাদ্যত সকলো পশুজাতীয় সামগ্ৰী পৰিহাৰ কৰা হয়। এই খাদ্যত কোনো মাংস, কণী বা দুগ্ধজাত সামগ্ৰী অন্তৰ্ভুক্ত নহয়। পুষ্টিবিদসকলৰ মতে এই খাদ্যাভ্যাস পালন কৰাটো সহজ নহয়। যদি এই খাদ্য সঠিকভাৱে পালন নকৰিলে শৰীৰত ভিটামিন ডি, ভিটামিন বি ১২, জিংক, কেলচিয়াম, আইৰণ আৰু ওমেগা ৩ ফেটি এচিডৰ দৰে পুষ্টিকৰ উপাদানৰ গুৰুতৰ অভাৱ হয়। কিন্তু এবাৰ এই খাদ্যাভ্যাসত অভ্যস্ত হ’লে শৰীৰৰ বাবে ই অতি উপকাৰী।
![](https://www.dainandinbartagroup.in/wp-content/uploads/2024/07/main-qimg-dbcbcfbbf98a45a60843dad7ad5bfb94.jpg)
নিৰামিষ খাদ্যৰ উপকাৰিতাৰ কি কি জানি লওকঃ
ৰোগ প্ৰতিৰোধ ক্ষমতা বৃদ্ধি কৰিবলৈ: শাক-পাচলিত থকা বিভিন্ন ফাইটোকেমিকেলে শৰীৰৰ ৰোগ প্ৰতিৰোধ ক্ষমতা বৃদ্ধি কৰে। এই খাদ্যত এন্টিঅক্সিডেন্টো অধিক পৰিমাণে থাকে। সেইবাবেই আমেৰিকা, ইউৰোপৰ মানুহৰ মাজত ভেগান ডায়েট ক্ৰমান্বয়ে জনপ্ৰিয় হৈ পৰিছে। ভাৰততো ইয়াৰ প্ৰভাৱ পৰিছে।
ডায়েবেটিছৰ সম্ভাৱনা হ্ৰাস কৰে: পুষ্টিবিদসকলৰ মতে এই খাদ্যাভ্যাস যদি দীৰ্ঘদিন ধৰি পালন কৰা হয় তেন্তে টাইপ-২ ডায়েবেটিছৰ সম্ভাৱনা হ্ৰাস পায়। এই জীৱনশৈলীয়ে তেজত ইনচুলিনৰ মাত্ৰা নিয়ন্ত্ৰণত ৰাখে। নিৰামিষ খাদ্যই ওজন হ্ৰাস কৰাত সহায় কৰে। মেদবহুলতাৰ লগত ডায়েবেটিছৰো সম্পৰ্ক আছে।
নিৰামিষ খাদ্যই কোনো ৰোগৰ সম্ভাৱনা হ্ৰাস কৰে জানি লওকঃ
কৰ্কট ৰোগৰ সম্ভাৱনা হ্ৰাস কৰে: এই খাদ্যই কেন্সাৰৰ দৰে মাৰাত্মক ৰোগৰ সম্ভাৱনাও হ্ৰাস কৰে।
হৃদৰোগৰ সম্ভাৱনা হ্ৰাস কৰে: নিৰামিষ খাদ্যত সতেজ শাক-পাচলি, দালি আৰু আঁহযুক্ত খাদ্য অধিক পৰিমাণে থাকে। এই সকলোবোৰ খাদ্য হৃদযন্ত্ৰৰ বাবে উপকাৰী।