বহু দিনৰ অপেক্ষাৰ অন্ত পৰিল ৷ লামডিং লোক কলোনী থকা নেতাজী ক্লাৱৰ উদ্যোগত নতুনকৈ তৈয়াৰ কৰা এই কালী মন্দিৰ। সেই মন্দিৰত উপস্থিত হৈ লামডিং সমষ্টিৰ বিধায়ক শিবু মিশ্ৰ শুভ উদ্বোধন কৰে এই কালী মন্দিৰৰ ৷ এই কালী মন্দিৰক পশ্চিমবঙ্গৰ ৰানী ৰাসমনীৰ তৈৰী দক্ষিণেশ্বৰ কালি মন্দিৰৰ ৰুপ দিয়া হৈছে৷ ৰাজ্যৰ বিভিন্ন প্ৰান্তৰ লগতে হোজাই জিলা লামডিংত ব্যাপক প্ৰস্তুতি চলিছে পোহৰৰ উৎসৱ দীপাৱলী মা কালি দেৱীক আদৰিবলৈ সকলোৱে সাজু ৷ এই কালি মন্দিৰত নীতি নিয়মৰ লগতে বৈদিক নীতিৰে মা কালিৰ বিধিপূৰ্বক চাৰি দিনৰ কাৰ্য্যসূচিৰে পূজা কৰা হব বুলি মন্দিৰ কমিটিৰ ফালৰ পৰা জনোৱা হয় ৷ লামডিংৰ বিভিন্ন স্থানৰ পৰা হাজাৰ হাজাৰ ভক্তই ভিৰ কৰে মা কালিৰ মন্দিৰৰ উদ্বোধনৰ সময়ত আহি উপস্থিত হয় আৰু লগতে ঢাক , উৰুলি, শংখধ্বনি, ঘণ্টাৰ শব্দই গুঞ্জৰিত হৈছে মন্দিৰৰ চাৰিওপিনে । লামডিংৰ এই চমৎকাৰী মা কালি মন্দিৰৰ কাৰিকৰী কৌশল সমৃদ্ধ আলোকসজ্জা আকৰ্ষণৰ কেন্দ্ৰবিন্দু হৈ পৰিছে লামডিং বাসী ৰাইজৰ । যাৰ বাবে এতিয়া আকৰ্ষিত কৰিছে সকলোকে আৰু লামডিংবাসী ৰাইজৰ লগতে অঞ্চলটিৰ সকলো লোকে অংশগ্ৰহণ কৰে এই কালি মন্দিৰ উদ্বোধন কার্যসূচিত ।লামডিংৰ বিধায়ক জনে কয় যে চৰকাৰে বান্ধি দিয়া সম্পূৰ্ণ ক’ভিড নীতি-নিয়মৰ মাজেৰে পূজা উদযাপনৰ বাবে পৰিচালনা সমিতিয়ে প্ৰস্তুতি অব্যাহত ৰখাৰ লগতে দীপাৱলীৰ সময়ত মা কালীৰ পূজা উপলক্ষে সকলো ৰাইজৰ সহায় সহযোগিতা কামণা কৰিছে লগতে এই শুভ উদ্বোধনত লামডিংৰ বিভিন্ন সংগঠণ, বিশিষ্টব্যক্তি সকলৰ লগত বিজেপিৰ কৰ্মকৰতা সকলো উপস্থিত থাকে।
