ভাৰতীয় ক্ৰিকেট অনুৰাগীৰ বাবে এক সুন্দৰ খবৰ, আঘাতৰ পৰা সুস্থ হৈ পুনৰ টিম ইণ্ডিয়ালৈ উভতি আহিল এই মাৰাত্মক বলাৰ। শ্ৰীলংকাৰ বিৰুদ্ধে খেলিবলগীয়া এদিনীয়া শৃংখলাত আঘাতৰ পৰা সুস্থ হৈ উভতি আহিবলৈ গৈ আছে টিম ইণ্ডিয়াৰ এজন খেলুৱৈ। এই খেলুৱৈগৰাকীয়ে অন্তিমবাৰৰ বাবে টি-২০ বিশ্বকাপ ২০২২ত অংশগ্ৰহণ কৰিছিল।শ্ৰীলংকাৰ বিৰুদ্ধে খেলিবলগীয়া টি-২০ আৰু এদিনীয়া শৃংখলাৰ বাবে ঘোষণা কৰা হৈছে টিম ইণ্ডিয়া। দুয়োটা দলৰ মাজত খেলা টি-২০ শৃংখলাত হাৰ্দিক পাণ্ডিয়াই দলটোক নেতৃত্ব দিব, আনহাতে ৰোহিত শৰ্মাই এদিনীয়া শৃংখলাত অধিনায়কত্ব কৰিব। এই শৃংখলাত দলটোৰ এজন মাৰাত্মক বেগী বলাৰেও ঘূৰি আহিছে। এইগৰাকী খেলুৱৈয়ে আঘাতৰ বাবে দলৰ পৰা আঁতৰি আছে যদিও এতিয়া এই বলাৰগৰাকীক এদিনীয়া শৃংখলাত খেলা দেখা যাব।
আঘাতৰ পৰা সুস্থ হৈ উভতি আহি এইজন মাৰাত্মক বলাৰ
দুয়োটা দলৰ মাজত খেলা এদিনীয়া শৃংখলাত পুনৰ খেলপথাৰলৈ উভতি আহিব ছিনিয়ৰ বেগী বলাৰ মহম্মদ ছামী। তেওঁক এদিনীয়া দলৰ দলত অন্তৰ্ভুক্ত কৰা হৈছে। কান্ধৰ আঘাতৰ বাবে দলৰ পৰা ওলাই আহিছিল মহম্মদ ছামী। আঘাতৰ বাবে বাংলাদেশ ভ্ৰমণতো তেওঁ দলৰ অংশ হ’ব পৰা নাছিল। টি-২০ বিশ্বকাপ ২০২২ৰ পিছত অনুশীলনৰ সময়ত আঘাতপ্ৰাপ্ত হৈছিল তেওঁ।
টি-২০ বিশ্বকাপত খেলা দেখা গৈছিল
টি-২০ বিশ্বকাপ ২০২২ৰ পিছত এতিয়া প্ৰথমবাৰৰ বাবে টিম ইণ্ডিয়াত খেলা দেখা যাব মহম্মদ ছামীক। এই পৰ্যন্ত টিম ইণ্ডিয়াৰ হৈ ৬০খন টেষ্ট, ৮২খন এদিনীয়া আৰু ২৩খন টি-২০ মেচ খেলিছে। তেওঁ টেষ্টত ২১৬টা, এদিনীয়াত ১৫২টা আৰু টি-২০ত ২৪টা উইকেট দখল কৰিছে। একে সময়তে ২০২২ চনৰ জুলাই মাহৰ পিছত মহম্মদ ছামীয়ে টিম ইণ্ডিয়াৰ হৈ এটাও এদিনীয়া খেলা নাই। হাৰ্দিক পাণ্ডিয়া, সূৰ্যকুমাৰ যাদৱ, ঈশান কিষাণ, ঋতুৰাজ গাইকৱাদ, শুবমান গিল, দীপক হুদা, ৰাহুল ত্ৰিপাঠী, সঞ্জু চেমচন, আৰ্ষদীপ সিং, ৱাশ্বিংটন সুন্দৰ, অক্ষৰ পেটেল, যুজবেন্দ্ৰ চাহাল, হৰ্ষল পেটেল, উমৰাণ মালিক, মুকেশ কুমাৰ, শিৱম মাভি।
এদিনীয়া শৃংখলাৰ বাবে টিম ইণ্ডিয়া
ৰোহিত শৰ্মা, হাৰ্দিক পাণ্ডিয়া, বিৰাট কোহলী, শুবমান গিল, সূৰ্য্যকুমাৰ যাদৱ, কে এল ৰাহুল, শ্ৰেয়াছ আয়েৰ, ঈশান কিষাণ, ৱাশ্বিংটন সুন্দৰ, যুজবেন্দ্ৰ চাহাল, কুলদীপ যাদৱ, অক্ষৰ পেটেল, মহম্মদ চিৰাজ, মহম্মদ শামী, উমৰাণ মালিক, আৰ্শদীপ সিং।