নগাঁও,২৮ নবেম্বৰ : নগাঁও চহৰৰ মাজেৰে বৈ যোৱা কলঙৰ পানীত আজি উটি আহিল শ শ টকা ৷ নগাঁও চহৰৰ পৰিবহণ নিগম কাৰ্যালয়ৰ সমীপৰ দলঙৰ তলতে কলঙৰ পানীত উদ্ধাৰ হয় শ শ টকা ৷ উল্লেখ্য, কলঙৰ ওপৰত নতুনকৈ নিৰ্মাণ হৈ থকা দলংৰ কাম কৰা বনুৱা সকলে প্ৰথমে প্ৰত্যক্ষ কৰে পানীত উটি অহা টকাখিনি । প্ৰত্যক্ষ দৰ্শীৰ মতে ৫০০ টকীয়া, ১০০ টকীয়া আৰু ১০,২০ টকীয়া নোটৰ বান্দিলো উটি গৈছিল পানীত । পিছত কেইবাজনো যুৱকে কলঙত সাতুৰি ১০,২০ আৰু ১০০ টকীয়া কেইবাখনো নোট উদ্ধাৰ কৰে যদিও পাঁচশ টকীয়া নোটৰ বান্দিলটো লাভ কৰিব সক্ষম নহল । কিন্তু ক’ৰ পৰা কেনেকৈ এইদৰে নোট সমূহ কলঙত উটি আহিল তাকলৈহে এতিয়া সৃষ্টি হৈছে ৰহস্যৰ ।
