দৈনন্দিন বাৰ্তা ডেস্ক :
২২ খন ৰাজ্যত প্ৰতি দিনে প্ৰতি মিলিয়নত ১৪০ জন লোকৰ ক’ৰোনা পৰীক্ষা কৰা হৈছে৷ কেন্দ্ৰই এই কথা নিশ্চিত কৰিছে৷ এই তথ্যই বিশ্ব স্বাস্থ্য সংস্থাৰ নিৰ্দ্ধাৰণ কৰা পৰিমাণ অতিক্ৰম কৰিছে৷ এই ৰাজ্যবোৰৰ ভিতৰত গোৱাত প্ৰতি মিনিয়নত সৰ্বাধিক ১০৫৪ আৰু দিল্লীত প্ৰতি মিলিয়নত ৯৭৮ জনৰ নমুনা পৰীক্ষা কৰিছে৷ কেন্দ্ৰীয় স্বাস্থ্য মন্ত্ৰালয়ে কয়, ২২ খন ৰাজ্যত বৰ্তমানে প্ৰতিদিনে প্ৰতি মিলিয়নত ১৪০ টা পৰীক্ষা কৰিছে৷ বিশ্বৰ দ্বিতীয় সৰ্বাধিক জনসংখ্যাৰ দেশখনত প্ৰতি দিনাই ক’ভিড-১৯ত নতুন লোক আক্ৰান্ত হৈ আছে৷ ভাৰতত আক্ৰান্তৰ সংখ্যা হ্ৰাস পাইছে যিটো মাৰ্চ মাহত ৩৮.২ শতাংশৰ পৰা কমি আহি ১২ জুলাইত ৩.২৪ শতাংশ হৈছে৷ কেন্দ্ৰীয় স্বাস্থ্য মন্ত্ৰালয়ে এই কথা জনাইছে৷ উল্লেখ্য যে ক’ভিড-১৯ত বিশ্বৰ ভিতৰত মৃত্যুৰ সংখ্যা প্ৰতি মিলিয়ন হিচাপত বহু নিন্ম৷ মন্ত্ৰীজনে লগতে নিশ্চিত কৰে যে মৃত্যুৰ হাৰ ২.৬ শতাংশৰ তললৈ আহিছে৷ আক্ৰান্তৰ সংখ্যাৰ তুলনাত সক্ৰিয়ৰ সংখ্যা প্ৰায় ১.৮ গুণ বুলি লগতে প্ৰকাশ কৰে৷ ইয়াৰ লগতে কয় যে বহু ৰাজ্যৰ চিকিৎসালয়ৰ পৰা প্ৰতিদিনে যাবলৈ দিয়া সংখ্যা ভৰ্ত্তিৰ সংখ্যাতকৈ বেছি আৰু ক’ভিড-১৯ৰ মুঠ সক্ৰিয় ৮৬ শতাংশই ১০ খন ৰাজ্যৰ মাজত দুখনত ৫০ শতাংশ হৈছে৷ সেই দুখন ৰাজ্য হ’ল মহাৰাষ্ট্ৰ আৰু তামিলনাডু৷ আন ৮খন ৰাজ্যৰ ক্ষেত্ৰত ৩৬ শতাংশ৷ ২০ খন ৰাজ্যত আৰোগ্যৰ সংখ্যা ৰাষ্ট্ৰীয় গড়ৰ তুলনাত বেছি৷ ভাৰতত গড়ে ৬৩ শতাংশ আৰোগ্য হৈছে বুলি স্বাস্থ্য মন্ত্ৰালয়ে জনাইছে৷ ইয়াৰে ভিতৰত উত্তৰ প্ৰদেশত ৬৭ শতাংশ, অসমত ৬৫ শতাংশ, গুজৰাটত ৭০ শতাংশ, তামিলনাডুত ৬৫ শতাংশ বুলি জনায় ৷