দৈনন্দিন বাৰ্তাৰ সেৱা, ১০ নৱেম্বৰঃ আজি আইপিএলৰ চূড়ান্ত খেল খনত জয়ী হ’বলৈ সমুখ সমৰত নামিব ৪ বাৰৰ চেম্পিয়ন মুম্বাই ইণ্ডিয়ানছ আৰু প্ৰথমবাৰ ফাইনেলত স্থান নিশ্চিত কৰা দিল্লী কেপিটেলছ। বৰ্তমানলৈকে দুয়োটা দলৰ মাজত ২৭ খন খেল অনুষ্ঠিত হৈছে য’ত মুম্বাই দলে ১৫ খন খেলত আৰু দিল্লীয়ে ১২ খন খেলত জয়ী হৈছে।
আজিৰ খেলত পঞ্চম বাৰলৈ জয়ী হোৱাৰ উদ্দেশ্যেৰে মুম্বাই ইণ্ডিয়ানছ খেলপথাৰত নমাৰ বিপৰীতে মুম্বাইক হৰুৱাই অভিলেখ গঢ়াৰ চেষ্টা চলাব দিল্লী কেপিটেলছে। আজিৰ খেলখন ডুবাই ইণ্টাৰনেচনেল ক্ৰিকেট ষ্টেডিয়ামত সন্ধিয়া ৭.৩০ৰ পৰা আৰম্ভ হব।