২৪ ডিচেম্বৰ,২০২৪ঃ Nagarbera । প্ৰতিদিনে ৪/৫ টাকৈ মেচিন চলে জাওঁকাটাদিয়া অঞ্চলৰ কলহী নৈত।
বন বিভাগক মেনেজ কৰি জাওঁকাটাদিয়া একাংশ ভূ মাফিয়াই দৈনিক খনন কৰে নৈৰ ভূমি। নৈৰ পৰা ভূমি খনন কৰি বিক্ৰী কৰে লাখৰ ঘৰত এই অভিযোগ স্থানীয় ৰাইজৰ।অভিযোগ অনুসৰি, গাওঁখনৰ ইব্ৰাহিম আলী, ওৱাহাব আলী, জিয়াৰুল হক আদি লোকসকলে মেচিনেৰে ভূমি উঠাই নৈৰ পাৰতে মজুত কৰে আৰু এই মজুতকৃত মাটি মিজানুৰ ৰহমান আৰু ময়জুদ্দিন নামৰ লোকজনে বিভিন্নজনৰ ওচৰত ট্ৰেক্টৰেৰে বিক্ৰী কৰে এনেদৰে খনন চলি থকাৰ ফলত ভাবুকি নামি আহিছে নৈপৰীয়া গাওঁ সমুহলৈ। কিয়নো নৈ খননৰ ফলত বাৰিষা কালত সৃষ্টি হয় গৰাখহনীয়াৰ
কোনোবাই এই খননকাৰ্য বন্ধ কৰিবলৈ কলেই ভয় ভাবুকি প্ৰদান কৰে ভূ মাফিয়া সকলে।
উল্লেখ্য যে, নগৰবেৰা নদী সংৰক্ষিত বনাঞ্চলিক কাৰ্যালয়ক একাধিকবাৰ অভিযোগ দিয়াৰ পাছতো ব্যৱস্থা লোৱা নাই নগৰবেৰা নদী সংৰক্ষিত বনাঞ্চলিক কাৰ্যালয়ৰ বন বিষয়াই শীঘ্ৰেই কলহী নৈত চলি থকা অবৈধ মাটি খননকাৰ্য বন্ধ কৰাৰ লগতে ভূ মাফিয়া সকলৰ বিৰুদ্ধে ব্যৱস্থা গ্ৰহন কৰিবলৈ দাবী জনাইছে স্থানীয় ৰাইজে ।