দৈনন্দিন বাৰ্তাৰ সেৱা, নলবাৰী, ৩ নৱেম্বৰঃ ড° ভুপেন হাজৰিকা শিশু উদ্যানৰ সম্মুখত আজি নলবাৰী জিলা কৃষক মুক্তি সংগ্ৰাম সমিতিয়ে মুল্যবৃদ্ধিৰ প্ৰতিবাদত অবস্থান ধৰ্মঘট কাৰ্যসুচী ৰূপায়ন কৰে৷ প্ৰতিবাদকাৰীয়ে কয় বিজেপি চৰকাৰৰ সময়ত বস্তুৰ মুল্যবৃদ্ধি হৈছে তাৰ প্ৰতিবাদত আজি কৃষক মুক্তি সংগ্ৰাম সমিতিয়ে উক্ত কাৰ্যসুচী গ্ৰহণ কৰে৷
আনহাতে মুল্যবৃদ্ধি সন্দৰ্ভত কয় যে বিজেপি চৰকাৰ শাসনকালৰ সদয়ত বস্তুৰ যি মুল্যবৃদ্ধি হৈছে এই মুল্যবৃদ্ধিৰ বাবে জগৰীয়া যোগান মন্ত্ৰী ফনীভুষন চৌধুৰী আৰু অযোগ্য মন্ত্ৰী জনাক আমি শিঘ্ৰে পদত্যাগৰ দাৱী জনাইছোঁ৷
অকৰ্মণ্য মন্ত্ৰী জনৰ গাদীত থকাৰ কোনো অধিকাৰ নাই বুলি কয় নলবাৰী জিলা কৃষক মুক্তি সংগ্ৰাম সমিতিয়ে৷ প্ৰতিবাদী কাৰ্যচীত বক্তব্য ৰাখি সাংগঠণিক সম্পাদক নুৰ মহম্মদ, সম্পাদক দীপেন কলিতা আৰু সভাপতি ৰোফ আলিয়ে শাসনাধিষ্ঠিত চৰকাৰখনক কঠোৰ ভাষাৰে সমালোচনা কৰি মূল্যবৃদ্ধি ৰোধ নকৰিলে অনাগত দিনত জংগী আন্দোলনৰ হুংকাৰ দিয়ে।
সংগঠণটোৱে কোকৰাঝাৰত যোৱাকালি একেটা পৰিয়ালৰে গোটেইকেইগৰাকী ব্যক্তিয়ে আত্মহত্যা কৰা বাৱে চৰকাৰক জগৰীয়া কৰা হয় বুলি কৃষক মুক্তি সংগ্ৰাম সমিতিয়ে মন্তব্য প্ৰকাশ কৰে। উল্লেখ্য যে জিলা অতিৰিক্ত উপায়ুক্তক এখন স্মাৰকপত্ৰ প্ৰদান কৰে।