নলবাৰী জিলাত অব্যাহত আছে ড্ৰাগছৰ সৰবৰাহ ।যাৰ বাবে এই ড্ৰাগছ সৰবৰাহকাৰীৰ ওপৰত তীক্ষ্ণ দৃষ্টি ৰাখিছে নলবাৰী আৰক্ষীয়ে । সেইমৰ্মে নলবাৰী জিলাৰ বিজুলি নগৰৰ পৰা নলবাৰী সদৰ থানাৰ টাউন ডাৰোগা দ্বীপ জ্যোতি শৰ্মাৰ নেতৃত্বত নলবাৰী আৰক্ষীৰ এটি সজাতি দলে এগৰাকী ড্ৰাগছ সৰবৰাহকাৰী আটক কৰে ।
নলবাৰী বিজুলি নগৰত জিলাখনৰ এলেঙ্গীদলৰ আলাউদ্দিন আলি নামৰ এগৰাকী যুৱকে নিচাযুক্ত সামগ্ৰী বিক্ৰী কৰিবৰ অহাৰ সময়ত নলবাৰী আৰক্ষীয়ে হাতে-লটে ধৰা পেলাই আটক কৰে যুৱক জনক । নলবাৰী আৰক্ষীয়ে যুৱক জনৰ পৰা ২৮০ টা নিচাজাতীয় কেপচুল জব্দ কৰে । বৰ্তমান নলবাৰী আৰক্ষীয়ে যুৱকজনৰ পৰা সোধ -পোচ অব্যাহত ৰাখিছে ।