অৱশেষত জামিন লাভ কৰিলে এপিএছচিৰ প্ৰাক্তন মুখ্য পৰীক্ষা নিয়ন্ত্ৰক নন্দবাবু সিনহাই। এপিএছচি কেলেংকাৰী গোচৰত প্ৰাক্তন মুখ্য পৰীক্ষা নিয়ন্ত্ৰক নন্দবাবু সিনহাই জামিন লাভ কৰিছে। এছআইটিয়ে তেতিয়াৰ মুখ্য পৰীক্ষা নিয়ন্ত্ৰকজনক বিগত বৰ্ষৰ ডিচেম্বৰ মাহত গ্ৰেপ্তাৰ কৰিছিল। বিশেষ আদালতে নন্দবাবু সিনহাক জামিন প্ৰদান কৰে যদিও এপিএছ শ্বাহজাহান সৰকাৰৰ জামিন অস্বীকাৰ কৰে। ২০১৩ আৰু ২০১৪ চনত সংঘটিত এপিএছচি কেলেংকাৰী সন্দৰ্ভত অসম আৰক্ষীৰ বিশেষ অনুসন্ধানকাৰী দলে (এছআইটি) যোৱা বছৰ ডিচেম্বৰত সিনহাক শিলচৰৰ বাসগৃহৰ পৰা আটক কৰিছিল।
নন্দা বাবু সিনহাক এপিএছচিৰ প্ৰাক্তন অধ্যক্ষ ৰাকেশ পালৰ ঘনিষ্ঠ সহযোগী বুলি জনা যায়। এপিএছচিৰ প্ৰাক্তন মুখ্য পৰীক্ষা নিয়ন্ত্ৰকজনক এছআইটিয়ে জেৰাৰ বাবে গুৱাহাটীৰ চিআইডি কাৰ্যালয়লৈ আনিছিল। সিনহাৰ বিৰুদ্ধে ৰাকেশ পালৰ নিৰ্দেশত এপিএছচিৰ প্ৰাম্ভিক আৰু মুখ্য পৰীক্ষাৰ প্ৰায় ৪৫,০০০ উত্তৰ বহী জ্বলাই দিয়াৰ অভিযোগ উত্থাপিত হৈছে৷ ইয়াৰ উপৰি নন্দ বাবুয়ে তেওঁৰ কন্যা মিনাৰ্ভা দেৱীক অনৈতিক উপায়েৰে এচিএছ পদত নিযুক্তি দিয়া বুলিও অভিযোগ উঠি আহিছে। মিনাৰ্ভা দেৱীক ইতিমধ্যে জেৰাৰ বাবে মতাও হৈছে।