গুৱাহাটী, ১৬ নৱেম্বৰঃ বোকাখাত সমজিলা প্রশাসন, বোকাখাতৰ মহকুমা তথ্য আৰু জনসংযোগ বিষয়াৰ কাৰ্যালয়ৰ উদ্যোগত তথা বোকাখাত সমজিলাৰ সমূহ সাংবাদিকৰ সহযোগত সমগ্ৰ ৰাষ্ট্ৰৰ লগতে বোকাখাততো ৰাষ্ট্ৰীয় প্ৰেছ দিৱস(National Press Day) পালন কৰা হয়৷
বোকাখাতৰ(Bokakhat) সমজিলা আয়ুক্তৰ কাৰ্যালয়ৰ সভাকক্ষত আয়োজিত এই কাৰ্যসুচীত বোকাখাত সমজিলাৰ সাংবাদিক সকলে অংশ গ্ৰহন কৰে৷
কাৰ্যসূচীৰ আৰম্ভণিতে বিভিন্ন সময়ত প্ৰান আহুতি দিয়া জ্ঞাত-অজ্ঞাত প্ৰয়াত সাংবাদকৰ্মী সকলক সোঁৱৰি এক মিনিট মৌন প্ৰাৰ্থনা কৰা হয়(Kaziranga National Park)৷
ৰাষ্ট্ৰীয় প্ৰেছ দিৱসৰ কাৰ্যসূচীত এইবছৰৰ ৰাষ্ট্ৰীয় প্ৰেছ দিৱসৰ মূল আলোচ্য বিষয় “সংবাদ মাধ্যমৰ পৰিৱৰ্তিত ৰূপ”ৰ ওপৰত বোকাখাত মহকুমা সাংবাদিক সন্থাৰ সভাপতি বুবুল দত্ত, কাজিৰঙা আঞ্চলিক সাংবাদিক সন্থাৰ সভাপতি নীলপদ্ম শৰ্মা, বৃহত্তৰ কাজিৰঙা সংবাদ মঞ্চৰ সভাপতি স্বপন নাথ আৰু সাংবাদিক ৰাজীৱ বৰাই নিজৰ তথ্যসম্বলিত বক্তব্য আগবঢ়ায়৷
আজিৰ ৰাষ্ট্ৰীয় প্ৰেছ দিৱস কাৰ্যসূচীৰ আঁত ধৰে বোকাখাত প্ৰেছ ক্লাৱৰ সম্পাদক উত্তম শইকীয়াই।
ৰাষ্ট্ৰীয় প্ৰেছ দিৱসৰ কাৰ্যসূচীত উপস্থিত থাকি বোকাখাতৰ সমজিলা আয়ুক্ত শিৱানী জের্ণগলে ৰাষ্ট্ৰীয় প্ৰেছ দিৱস উপলক্ষে সকলো সাংবাদিকক শুভেচ্ছা জনায়।
আজিৰ ৰাষ্ট্ৰীয় প্ৰেছ দিৱস কাৰ্যসূচীৰ উদ্দেশ্য ব্যাখ্যা কৰে বোকাখাত সমজিলাৰ সহকাৰী আয়ুক্ত কুশল কলিতাই আৰু শলাগৰ শৰাই আগবঢ়াই বোকাখাতৰ মহকুমা তথ্য আৰু জনসংযোগ বিষয়া নীৰা ৰায়ে।