দৈনন্দিন বাৰ্তা ডিজিটেল ডেস্কঃ ৰাজনৈতিক অস্থিৰতাৰ মাজতে ৰাজস্থানৰ ৰাজনীতিৰ নতুন অধ্যায়ৰ সৃষ্টি হৈছে। ANI ত প্ৰকাশিত বাতৰি মতে ৰাজস্থানত মুখ্যমন্ত্ৰী অশোক গেহলট আৰু শচীন পাইলটৰ মাজত চলি থকা ৰাজনৈতিক যুদ্ধৰ মাজতে কংগ্ৰেছে এটা অডিঅ ক্লিপ জাৰি কৰি দাবী কৰিছিল যে গেহলট চৰকাৰক ভাঙিবলৈ এটা গভীৰ ষড়যন্ত্র ৰচনা কৰা হৈছিল আৰু দাবী উত্থাপন কৰা হৈছিল যে এই অডিঅ ক্লিপত কেন্দ্ৰীয় মন্ত্ৰী গজেন্দ্ৰ সিং সেখাৱাটৰ মাত স্পষ্টকৈ শুনা পোৱা গৈছিল। ঘটনাৰটোৰ সন্দৰ্ভত ৰাজস্থান Special Operation Group য়ে কেন্দ্ৰীয় মন্ত্ৰী গজেন্দ্ৰ সিং সেখাৱাটলৈ নটিচ জাৰি কৰিছে। দিল্লীত থকা মন্ত্ৰীজনৰ ঘৰলৈ এই নটিচ প্ৰেৰণ কৰি Special Operation Group সয়ে সোধা পোছা কৰিবলৈ সময় বিচাৰিছে। উল্লেখ্য যে কংগ্ৰেছে এই অডিঅ ক্লিপত কেন্দ্ৰীয় মন্ত্ৰী গজেন্দ্ৰ সিং সেখাৱাটৰ মাত স্পষ্টকৈ থকাৰ অভিযোগ তুলি মন্ত্ৰীজনৰ পদত্যাগৰ দাবী কৰিছিল। ইপিনে কেন্দ্ৰীয় মন্ত্ৰী গজেন্দ্ৰ সিং সেখাৱাটৰে এই অভিযোগ খণ্ডণ কৰি কয় যে তেওঁ যিকোনো ধৰণৰ তদন্তৰ বাবে প্ৰস্তুত হৈ আছে কিন্তু একেসময়তে একাংশ কংগ্ৰেছীয়ে দাবী কৰিছে যে গজেন্দ্ৰ সিং সেখাৱাটে নিজৰ ভইচ চেম্পল দিবলৈ এতিয়াও মান্তি হোৱা নাই।
