পাকিস্তানে বিগত কিছুদিন ধৰি অতিৰিক্ত প্ৰদূষণৰ সন্মুখীন হৈছে। সমগ্ৰ বিশ্বতে পাকিস্তানৰ কেইবাটাও স্থানত বায়ু প্ৰদূষণৰ পৰিস্থিতি ভয়ংকৰ হৈ পৰিছে। ভয়াৱহ প্ৰদূষণৰ সন্মুখত পাকিস্তানক ইউনিচেফে নিজেই নিয়ন্ত্ৰণত আহিবলৈ আহ্বান জনাইছে।
কিছুদিন আগতে জানিব পৰা মতে মুলতানত AQI ৭৬০ৰ পৰা ১৯১৪ লৈ বৃদ্ধি পাইছে। লাহোৰ আৰু মুলতান নামৰ দুখন চহৰৰ অৱস্থা এতিয়া অতি ভয়াৱহ। আন্তঃৰাষ্ট্ৰীয় সংবাদ সংস্থাটোৰ তথ্য অনুসৰি শুকুৰবাৰে পুৱা মুলতানৰ AQI য়ে ২০০০ অতিক্ৰম কৰিলে। বায়ু প্ৰদূষণৰ বাবে তাত বায়ুৰ দৃশ্যমানতা দিনক দিনে কমি আহিছে। তাতো বহু পথ দুৰ্ঘটনা সংঘটিত হৈছে। দুৰ্ঘটনাটোত কেইবাজনো লোক নিহত-আহত হৈছে।
পাকিস্তানৰ পঞ্জাৱৰ পৰিস্থিতি আৰু বেছি ভয়াৱহ। চৰকাৰে তাত পৰিস্থিতি নিয়ন্ত্ৰণৰ বাবে কেইবাটাও পদক্ষেপ গ্ৰহণ কৰিছে। ১৭ নৱেম্বৰলৈ কেইবাঠাইতো বিদ্যালয় আৰু সংগ্ৰহালয় বন্ধ কৰাৰ সিদ্ধান্ত লৈছে। ইতিমধ্যে নাছাই পাকিস্তানৰ ভয়াবহ প্ৰদূষণৰ ছবিও প্ৰকাশ কৰিছে। ডাঠ কম্বলৰ দৰে পাকিস্তানৰ জলবায়ুত ঘন ক’লা ধোঁৱা বিয়পি পৰিছে যি ছবি নাছাই ইতিমধ্যে প্ৰকাশ কৰিছে।
ইউনিচেফে কয় যে প্ৰদূষণৰ ভয়াৱহ পৰিস্থিতিয়ে তাত পাঁচ বছৰৰ তলৰ ১ কোটি ১০ লাখ শিশুৰ স্বাস্থ্যজনিত চিন্তাৰ সৃষ্টি কৰিছে। যিসকল শিশুৱে পাকিস্তানৰ সেই প্ৰদূষিত অঞ্চলবোৰত উশাহ লৈ আছে, তেওঁলোকৰ স্বাস্থ্য দিনক দিনে অৱনতি ঘটিছে। ইউনিচেফে লগতে প্ৰকাশ কৰিছে যে বিগত বছৰত পাকিস্তানত ৫ বছৰৰ তলৰ শিশুৰ মৃত্যুৰ ১২ শতাংশ হোৱাৰ লগতে প্ৰদূষণৰ ফলত গৰ্ভৱতী মহিলাও প্ৰভাৱিত হৈছে। সম্প্ৰতি ইউনিচেফে চৰকাৰক ক্ষিপ্ৰ ব্যৱস্থা ল’বলৈ অনুৰোধ জনায়।