হলিউডৰ অভিনেত্ৰী জ’লীয়ে(anjelina) নতুন চিনেমা এখনত স্বাক্ষৰ কৰিছে। চিনেমাখনৰ নাম ‘স্টিচেছ’। ইয়াৰ পৰিচালনা কৰিছে ফৰাচী পৰিচালক এলিছ উইনোকোৰে। চিনেমাখনত জ’লীয়ে এগৰাকী চলচ্চিত্ৰ নিৰ্মাতাৰ চৰিত্ৰত অভিনয় কৰিব।
জ’লিৰ ‘ষ্টিচছ’ চিনেমাখনৰ মূল কাহিনীভাগ পেৰিছৰ ফেশ্বনৰ জগতখনক কেন্দ্ৰ কৰিয়েই নিৰ্মাণ হৈছিল, য’ত ফেশ্বন উইকৰ সময়ত তিনিগৰাকী মহিলাৰ জীৱন একত্ৰিত হয়। ছবিখনত অভিনেত্ৰীগৰাকীয়ে ছবি নিৰ্মাতাৰ চৰিত্ৰত অভিনয় কৰিব। ইয়াৰ প্ৰযোজক হৈছে ফ্ৰেমেণ্টল, এপাৰ্টমেণ্ট আৰু নেটফ্লিক্স। এই ছবিখন বিতৰণ কৰিব শক্তিশালী প্ৰতিষ্ঠান পাথী ফিল্মছে।
ফৰাচী আৰু ইংৰাজী ভাষাত নিৰ্মাণ কৰা হ’ব ছবিখন। অৱশ্যে কেতিয়াৰ পৰা শ্বুটিং আৰম্ভ হ’ব সেয়া এতিয়াও নিশ্চিত হোৱা নাই।
ইতিমধ্যে বিশ্বৰ বিভিন্ন চলচ্চিত্ৰ মহোৎসৱত প্ৰদৰ্শিত হৈছে জলীৰ শেহতীয়া ছবি ‘মাৰিয়া’। প্ৰশংসা লাভ কৰিলে।
‘মাৰিয়া’ৰ চিত্ৰনাট্য লিখিছে নেটফ্লিক্সৰ জনপ্ৰিয় ধাৰাবাহিক ‘পিকি ব্লাইণ্ডাৰছ’ৰ সৃষ্টিকৰ্তা ষ্টিভেন নাইটে। চিনেমাখনত অপেৰা গায়িকা মাৰিয়া কেলাছৰ জীৱনৰ শেষ দিনবোৰ চিত্ৰিত কৰা হৈছে। বহু চিনেমাপ্ৰেমীয়ে ভাবে যে মাৰিয়া কেলাছৰ চৰিত্ৰত অভিনয় কৰি জলীয়ে অস্কাৰ লাভ কৰিব পাৰে। অহা বছৰৰ ১০ জানুৱাৰীত ব্ৰিটেইনৰ চিনেমাগৃহত মুক্তি পাব। ছবিখনৰ পৰিচালনা কৰিছে পাবলো লাৰেইন।
শেহতীয়াকৈ অভিনেত্ৰীগৰাকীৰ ব্যক্তিগত জীৱনৰ বিষয়ে বহু চৰ্চিত হৈছিল। প্ৰাক্তন স্বামী ব্ৰেড পিটৰ সৈতে তেওঁৰ বিবাহ বিচ্ছেদ আৰু আইনী যুদ্ধই প্ৰায়ে শিৰোনাম দখল কৰি আহিছে। কিন্তু শেহতীয়াকৈ ব্ৰেড পিটৰ সৈতে হোৱা আইনী সমস্যা সমাধানতকৈ জ’লীক অলপ বেছি নমনীয় হোৱা দেখা গৈছে। ব্যক্তিগত জীৱনৰ বিতৰ্কবোৰ এৰাই চলি এতিয়া অভিনয়ৰ ওপৰত গুৰুত্ব আৰোপ কৰিছে জ’লীয়ে। অহা বছৰৰ ফেব্ৰুৱাৰী মাহত অনুষ্ঠিত হ’বলগীয়া ৪০ সংখ্যক চান্টা বাৰ্বাৰা আন্তঃৰাষ্ট্ৰীয় চলচ্চিত্ৰ মহোৎসৱত জলীক মালটিন মডাৰ্ণ মাষ্টাৰ বঁটাৰে সন্মানিত কৰা হ’ব।