আজি এক বি*স্ফোৰণে কঁপাই তুলিলে দিল্লীৰ প্ৰশান্ত বিহাৰ অঞ্চল। এই তথ্য লাভ কৰাৰ পিছতে সেই স্থানত উপস্থিত হয় চাৰিখন অগ্নিনিৰ্বাপক বাহিনীৰ গাড়ী। এটা বৃহৎ আৰক্ষীৰ দলো মোতায়েন কৰা হয়। জানিব পৰা মতে, কোনো লোক হতাহতি হোৱা নাই।
উত্তৰ দিল্লীৰ প্ৰশান্ত বিহাৰ অঞ্চলৰ পিভিআৰ চিনেমা হলৰ সন্মুখত বৃহস্পতিবাৰে পুৱা প্ৰায় ১১.৪৮ বজাত সংঘটিত হয় এই বিস্ফোৰণ।
এই বি*স্ফোৰণৰ কাৰণ কি বা এইটো এতিয়াও স্পষ্ট হোৱা নাই। আৰক্ষীয়ে তদন্ত আৰম্ভ কৰিছে। খবৰ অনুসৰি উদ্যানৰ সীমাৰ সন্মুখত এখন মিঠাইৰ দোকানৰ কাষত এই বিস্ফোৰণ সংঘটিত হয়। বিস্ফো*ৰণস্থলীৰ পৰা বগা গুড়িৰ দৰে কিছুমান পদাৰ্থও পোৱা গৈছিল। যিটো আৰক্ষীয়ে পৰীক্ষা কৰি আছে। এমাহ পূৰ্বে প্ৰশান্ত বিহাৰৰ চি আৰ পি এফ স্কুলৰ সন্মুখত বিস্ফোৰণ ঘটিছিল। বিদ্যালয়ৰ দেৱালৰ ক্ষতিসাধন হয়।