যোৰহাট ক’ৰ’ণা ভাইৰাছ সংক্ৰমণ ৰোধৰ বাবে সমগ্ৰ দেশৰ লগতে অসমতো অব্যাহত আছে তৃতীয় পৰ্যায়ৰ লকডাউন৷ ইয়াৰ প্ৰতি লক্ষ্য ৰাখি যোৰহাট জিলা দণ্ডাধীশে ফৌজদাৰী কাৰ্যবিধি আইনৰ ১৪৪ ধাৰাৰ অধীনত এক আদেশ যোগে জিলাখনত নৈশ সান্ধ্য আইন জাৰি কৰিছে৷ সন্ধিয়া ৬ বজাৰ পৰা পুৱা ৬ বজালৈকে এই সান্ধ্য আইন বলবৎ থাকিব৷ অৱশ্যে এই আদেশৰ পৰা স্বাস্থ্য সেৱা, আৰক্ষী, অগ্নিনিৰ্বাপক, জৰুৰীকালীন সেৱাত জড়িত টেলিকম সেৱা, বিদ্যুৎ সেৱা আদিক ৰেহাই দিয়া হৈছে৷ এই সেৱা জিলাখনত তৎকালে বলবৎ হৈছে আৰু পুনৰ আদেশ নিদিয়া পৰ্যন্ত বলবৎ থাকিব বুলি যোৰহাট জিলা তথ্য আৰু জনসংযোগ বিষয়া শাৰদী গগৈয়ে জনাইছে৷
