উত্তৰ কোৰিয়াৰ একনায়কত্ববাদী কিম জং উনে পুনৰবাৰ জাপান আৰু দক্ষিণ কোৰিয়াক চিন্তাত পেলাইছে।
উত্তৰ কোৰিয়াই চোৰাংচোৱা উপগ্ৰহ নিৰ্মাণ কৰি, ২০২৩ চনৰ এপ্ৰিল মাহৰ ভিতৰত সাজু হ’ব, উত্তৰ কোৰিয়াৰ একনায়কত্ববাদী কিম জং উনে পুনৰবাৰ জাপান আৰু দক্ষিণ কোৰিয়াক উত্তেজনাত পেলাইছে।উত্তৰ কোৰিয়াৰ একনায়কত্ববাদী কিম জঙে কাৰো কথা নুশুনে। আমেৰিকাৰ পৰা কঠোৰ নিৰ্দেশনাৰ পিছতো উত্তৰ কোৰিয়াই অহৰহ বেলিষ্টিক মিছাইল পৰীক্ষা কৰি আছে। এতিয়া তেওঁ চোৰাংচোৱা উপগ্ৰহটোৰ বিকাশৰ কাম কৰি আছে। উত্তৰ কোৰিয়াৰ চৰকাৰী সংবাদ মাধ্যম কেচিএনএই খোদ এই সন্দৰ্ভত অৱগত কৰিছে।
উত্তৰ কোৰিয়াৰ চৰকাৰী সংবাদ মাধ্যমে কয় যে, “দেওবাৰে (১৮ ডিচেম্বৰ) দেশখনে চোৰাংচোৱা উপগ্ৰহটোৰ বিকাশৰ এক গুৰুত্বপূৰ্ণ আৰু চূড়ান্ত পদক্ষেপ পৰীক্ষা কৰিছিল। ২০২৩ চনৰ এপ্ৰিল মাহৰ ভিতৰত এই অভিযান সম্পূৰ্ণ কৰাৰ চেষ্টা কৰিছে।” ইয়াৰ এদিন পূৰ্বে দক্ষিণ কোৰিয়া আৰু জাপানে উত্তৰ কোৰিয়াই দুটা বেলিষ্টিক মিছাইল পৰীক্ষা কৰাৰ অভিযোগ উত্থাপন কৰিছিল।
উত্তৰ কোৰিয়াৰ অফিচিয়েল চেনেল কেচিএনএই কয় যে, “উত্তৰ-পশ্চিম চহৰ টংচাং-ৰিৰ ছ’হাই চেটেলাইট লঞ্চ চেণ্টাৰত এই পৰীক্ষা কৰা হৈছিল। ইয়াৰ উদ্দেশ্য আছিল দেশখনৰ চেটেলাইট ইমেজিং, ডাটা ট্ৰেন্সমিছন আৰু গ্ৰাউণ্ড কণ্ট্ৰ’ল চিষ্টেমৰ সামৰ্থ্য পৰ্যালোচনা কৰা।” এই পৰীক্ষাত কৃত্ৰিম উপগ্ৰহ কঢ়িয়াই নিয়া কেৰিয়াৰ (বাহন) হিচাপে এটা মিছাইল নিক্ষেপ কৰা হৈছিল। ৫০০ কিলোমিটাৰ উচ্চতাত মক (ভুৱা) উপগ্ৰহ স্থাপন কৰা হৈছিল।