২৯ জানুৱাৰী তাৰিখে পঞ্চায়ত আৰু গ্ৰামোন্নয়ন বিভাগৰ আয়ুক্ত আৰু সদৌ অসম ঠিকা ভিত্তিক পঞ্চায়ত আৰু গ্ৰামোন্নয়ন বিভাগৰ কৰ্মচাৰী সৈতে হোৱা আলোচনা বিফল হোৱাৰ পিছতে ১ ফ্ৰেব্ৰুৱাৰীৰ পৰা সমগ্ৰ অসমতে প্ৰতিবাত নামিল কৰ্মচাৰী সকল । ৰাজ্যৰ ভিন্ন প্ৰান্তৰ লগতে ওদালগুৰি জিলাৰ মাজবাট, ৰৌতা, ওদালগুৰি, খৈৰাবাৰী, ভেৰগাওঁ, কলাইগাওঁ , বৰছলা,বেছিমাৰি আৰু পূৱ-পশ্চিম মংগলদৈৰ উন্নয়ন খণ্ডত কৰ্মৰত ঠিকাভিত্তিক কৰ্মচাৰীয়ে নিজ নিজ উন্নয়ণ খণ্ডৰ কাৰ্যালয়ৰ সমূখত কৰ্ম বিৰতি আৰু অৱস্থান ধৰ্মঘটৰ দ্বিতীয় দিনাও ৰূপায়ণ কৰা দেখা যায় ।
ফলত সমগ্ৰ ভিচিডিচিৰ উন্নয়নৰ কাম স্তব্ধ হৈ পৰে । কৰ্মচাৰী সকলে হাতে হাতে প্লে’কাৰ্ড লৈ উন্নয়ন খণ্ডৰ পৰিৱেশ উত্তাল কৰি তুলে । কৰ্মচাৰী সকলে অসমৰ জনপ্ৰিয় মুখ্যমন্ত্ৰী ড° হিমন্ত বিশ্ব শৰ্মাৰ হস্তক্ষেপ বিচাৰি বহুকেইটা দাবী উত্থাপন কৰে
১. ৬০ বছৰলৈ চাকৰি সুনিশ্চিত কৰা ।
২. সকলো কৰ্মচাৰীৰ R.O.P ৰ ব্যৱস্থা কৰা ।
৩. সকলো কৰ্মচাৰীৰ সম কামৰ সম বেতন নীতি প্ৰযোজ্য কৰা ।
৪. চৰকাৰী কৰ্মচাৰীয়ে লাভ কৰা সকলো সুবিধা প্ৰদান কৰা ।
৫. বিভাগত খালী হোৱা প্ৰতিটো পদৰ বিপৰীতে অভিজ্ঞতা/ যোগ্যতা অনুসৰি সকলো ঠিকাভিত্তিক কৰ্মচাৰীক বিভাগীয়ভাৱে পৰীক্ষা পাতি নিযুক্তি প্ৰদান কৰা ।
এনে সমূহ দাবী লৈ পঞ্চায়ত আৰু গ্ৰামোন্নয়ন বিভাগৰ ঠিকা ভিত্তিক কৰ্মচাৰী সকলে সমগ্ৰ পৰিবেশ উত্তাল কৰি তোলে ৷