দৈনন্দিন বাৰ্তা ডেস্ক : নিগমবধ ঘাটৰ এজন কৰ্মী, এজন চিকিৎসক, এজন আৰক্ষী বিষয়া, এগৰাকী নাৰ্চিং বিষয়া যি ২৫ জন ক’ভিড যোদ্ধাক অহা ১৫ আগষ্টত ৰাষ্ট্ৰপতি ভৱনত ৰাষ্ট্ৰপতি ৰামনাথ কোবিন্দৰ দ্বাৰা আয়োজন কৰা ‘এট হোম’ অনুষ্ঠানলৈ আমন্ত্ৰণ কৰা হৈছে৷ প্ৰথমবাৰৰ বাবে ক’ভিড যোদ্ধাক মৰ্যাদাপূৰ্ণ আৰু উচ্চপদস্থ চৰকাৰী কৰ্মকৰ্তাক অন্তর্ভুক্ত কৰি গণ্যমান্য ব্যক্তিৰ অতিথিৰ তালিকাত যুক্ত কৰা হৈছে৷ এইসকলৰ ভিতৰত আছে জিটিবি হাস্পতালৰ নাৰ্চিং বিষয়া ৩৫ বছৰীয়া আশা ছবৰৱাল৷ এটি ছবছৰীয়া পুত্ৰক ঘৰত পৰিয়ালৰ হাতত এৰি পৰিয়ালৰ পৰা দূৰত্ব বজাই ক’ভিডৰ বিৰুদ্ধে যুঁজত নামি পৰিছে এইগৰাকী নাৰ্চিং বিষয়াই৷ তেওঁ বৰ্তমানে এটা পৃথক কোঠাত থাকি কাম কৰি গৈছে৷ আনহাতে যেতিয়া ক’ভিড মহানগৰত সোমাল দ্বাৰকাৰ ৪০ বছৰীয়া মুখ্য কনিষ্টবল মনীষ মধুকৰ দ্বাৰকাৰ কমিউনিটি প’লিচিং চেলত কাম কৰি আছিল৷ তেওঁ কোনো বিৰতিৰ দিন নোলোৱাকৈ ৯০ দিন কাম কৰে৷ তেওঁৰ নেতৃত্বত অভাৱগ্ৰস্ত লোকৰ বাবে কমিউনিটি ৰান্ধনীঘৰ আৰম্ভ কৰে৷ তাত তেওঁ নিজেও ৰান্ধে৷ দিনটোৰ ৮০০ কুইণ্টল ৰেচন যোগাৰ কৰে আৰু এক লাখ পেকেট দিনটোৰ ৰেচনৰ পৰা যোগাৰ কৰে৷ ইয়াৰ লগতে তেওঁ দ্বাৰকাত ২০০ হেণ্ড ছেনিটাইজাৰ মেচিন স্থাপন কৰে৷ আনহাতে এইমছৰ মেডিচিন বিভাগৰ কনিষ্ঠ আবাসী চিকিৎসক ডাঃ অংকেশ গুপ্তাই বৃহস্পতিবাৰে সন্ধিয়া এইমছৰ সঞ্চালকৰ পৰা ফোন কল এটা পায়৷ তাত জনোৱা হয় যে তেওঁক ৰাষ্ট্ৰপতি ভৱনৰ অনুষ্ঠানত অংশগ্ৰহণৰ বাবে আমন্ত্ৰণ পাইছে৷ মই বাতৰিটোৰ কথা পাতি আছিলো৷ বহু চিকিৎসক আছে৷ তেওঁ এইদৰে ইন্দোৰত থকা পৰিয়ালক জনাইছিল৷ তেওঁ মাৰ্চ মাহত আইটিবিপি শিবিৰত হেলথ কেয়াৰ কৰ্মী হিচাপে নিযুক্তি পাইছিল৷ দীপ চন্দ বন্ধু হাস্পতালৰ হাউচকীপিং ষ্টাফ ৩০ বছৰীয়া সন্দিপ চৌহানক ‘এট হোম’ অনুষ্ঠানলৈ আমন্ত্ৰণ কৰিছে৷ চৌহানে চিকিৎসালয়ৰ বায়’মেডিকেল বৰ্জিতবোৰ সংগ্ৰহত জড়িত৷ কিন্তু তেওঁ কেতিয়াও ভাইৰাছৰ প্ৰতি আশংকা কৰা নাই৷ যদি মই ভয় কৰো, কাম নহ’ব৷ তেনেদৰে চৌহানে কয়৷ যোৱা চাৰি মাহত তেওঁ মাত্ৰ দুটা দিনহে কামৰ পৰা বিৰতি লৈছে৷ শ্বাহদাৰা জিলাৰ এক্সজিলিৰি নাৰ্চ মিডৱাইফ ৩৯ বছৰীয়া ছীমা চৌধুৰীয়ে যোৱা তিনি মাহ ক’ভিড-১৯ৰ পৰীক্ষাত জড়িত হৈ আছে৷ দিল্লীত যিসকল ৰোগীয়ে ঘৰ বাৰী এৰি কাম কৰিছে তাৰ ভিতৰত তেওঁৰ স্থান শীৰ্ষত৷ নিগমবোধ ঘাটৰ ৩৯ বছৰীয়া এম চিডি কৰ্মী অমৰ সিং নিগমবোধ ঘাটত চাৰি মাহৰ আগতে নিযুক্তি পাইছিল৷ তেওঁ ভাইৰাছ সংক্ৰমণৰ ভয় খাইছিল৷ শেষত কামটো ভাল পোৱা হ’ল৷ উল্লেখ্য যে জুন মাহত দিল্লীত বহু লোকৰ মৃত্যু হয়৷ তেওঁ সামাজিক দূৰত্ব বৰ্তাই নিজৰ শক্তিৰে কাম কৰি গৈছিল৷ দিল্লী চৰকাৰৰ কেন্দ্ৰীয় জিলাৰ লেব’ৰেটৰী টেকনিচিয়ান ৩৭ বছৰীয়া কীৰ্তি শৰ্মাই জিলাখনৰ চাৰিটা দলৰ এটাক নেতৃত্ব দিয়ে৷ তেওঁ ক’ভিড-১৯ৰ ৰোগীক পৰীক্ষা কৰা ম’বাইল ভান আৰু কেয়াৰ চেণ্টাৰত নেতৃত্ব দিয়ে৷ এইগৰাকী মহিলাই ৰাষ্ট্ৰপতিৰ দ্বাৰা আয়োজিত অনুষ্ঠানলৈ আমন্ত্ৰণ পাইছে ৷
