গৰুৰ বিহুৰ দিনা শিৱসাগৰৰ অন্যতম সাংস্কৃতিক আৰু সামাজিক অনুষ্ঠান ঐক্যৰ উদ্যোগত সদৌ অসম ভিত্তিত প্ৰাইজমণি কণী যুঁজ প্ৰতিযোগীতা আয়োজন কৰা হয়। অসমৰ জাতীয় জীৱনত গৰুৰ বিহু দিনা পৰম্পৰাগত খেল ধেমালীৰ লগতে কণী যুঁজ অনুষ্ঠিত হৈ আহিছিল যদিও বৰ্তমানৰ যান্ত্ৰিকতা যুগত বিলুপ্তি প্ৰায় হৈছে এই কণী যুঁজ। ঐক্যৰ উদ্যোগত এই পৰম্পৰাগত কণী যুঁজ প্ৰতিযোগীতা কেইবা বছৰ ধৰি অনুষ্ঠিত হৈ আহিছে। এই কণী যুঁজ প্ৰতিযোগীতাখনী উদ্ধোধন কৰে শিৱসাগৰ জিলা উপায়ুক্ত মেঘ নিধি দাহালে।
প্ৰথম উদ্বোধনী কণী যুজঁ খেল খন শিৱসাগৰ জিলা উপায়ুক্ত মেঘ নিধি দাহালে আৰু অসম চৰকাৰৰ শিক্ষা উপদেষ্টা ডঃ ননিগোপাল মহন্ত মাজত অনুষ্ঠিত হয়।উক্ত অনুষ্ঠান লগত সংগতি ৰাখি ‘ঐক্য’ নামৰ এখন স্মৃতি গন্থ উন্মোচন কৰে।এই অনুষ্ঠানত উপস্থিত থাকে মুখ্যমন্ত্ৰী প্ৰধান ব্যক্তিগত সচিব প্ৰশান্ত প্ৰতিম কটকটীয়া আৰু অসম চৰকাৰৰ শিক্ষা উপদেষ্টা ডঃ ননিগোপাল মহন্ত।