নলবাৰী
আজি অসম জাতীয়তাবাদী যুৱ-ছাত্ৰ পৰিষদ, বৰভাগ আঞ্চলিক সমিতিৰ উদ্যোগত বৃহত্তৰ বৰভাগ অঞ্চলৰ পথৰ দাঁতিত আৰু কমাৰকুছি আৰক্ষী চকীৰ ভাৰপ্ৰাপ্ত আৰক্ষী বিষয়া ৰাজশ্ৰী বুঢ়াগোহাঞিৰ দ্বাৰা আৰক্ষী চকী চৌহদত গছপুলি ৰোপন আৰু সংৰক্ষণৰ ব্যৱস্থা কৰি বিশ্ব পৰিৱেশ দিৱস পালন কৰা হয় । অসম জাতীয়তাবাদী যুৱ-ছাত্ৰ পৰিষদৰ বৰভাগ আঞ্চলিক সমিতিৰ সভাপতি তাজিমউদ্দিন আহমেদ আৰু সাধাৰণ সম্পাদক ধীৰাজ কলিতাৰ নেতৃত্বত পৰিষদৰ কমাৰকুছি কাৰ্যালয়ৰ পৰা আৰম্ভ কৰা কাৰ্যসূচীটোত সহযোগ আগবঢ়ায় উপ-সভাপতিদ্বয় চিন্ময় পৰাশৰ, ৰাতুল আহমেদ, সাংস্কৃতিক সম্পাদক ৰকিৰাজ, সাংগঠনিক সম্পাদক নুৰ মহম্মদ, প্ৰচাৰ সম্পাদক বিৰু আলী, সদস্য কংকণ কলিতা, চাজিদ আহমেদ, ময়ুৰ ৰহমানে সহযোগ আগবঢ়ায়। গছপুলি ৰোপণ কাৰ্যসূচী ৰূপায়ণ কৰি সংগঠনটোৰ বৰভাগ আঞ্চলিক সমিতিৰ নেতৃত্বই সমূহ জনগনক প্ৰকৃতি-পৰিৱেশক সুৰক্ষা প্ৰদান কৰি বিশ্ব পৰিৱেশ দিৱসৰ তাৎপৰ্য সফল কৰি তুলিবলৈ আহ্বান জনায়।
