বিগত দুটা বছৰ ধৰি ভয়াবহ কোভিড মহামাৰীৰ ফলত সমগ্ৰ বিশ্বৰ লগতে আমাৰ ভাৰত ,উত্তৰ – পূৰ্বাঞ্চলৰ লগতে অসমতো যিকোনো কাৰ্য্যৰ পৰা বন্ধ হৈ থকাই নহয়। জনগণ নিজগৃহৰ পৰা বহি:জগতৰ প্ৰভাৱ পোৱাটো এক চিন্তনীয় বিষয় হৈ পৰিছিল। কিন্তু এতিয়া ২০২২ ইং বৰ্ষতো হৈ পৰিছে সমগ্ৰ অসমজুৰি আন এক ভাৱিব নোৱাৰা বৈকুণ্ঠপুৰী ত পৰিণত হোৱা আধ্যাত্মিকতাৰ সময়।যাৰ ফলত চলিছে সমগ্ৰ ৰাজ্যখনৰ লগতে নামনি অসমতো প্রতিটো জিলাত চলিছে নামঘৰ-সত্ৰ ,মঠ-মন্দিৰ আদিত পূজা পাতাল ,নাম- প্ৰসঙ্গ আৰু পালনাম আদিৰ উঠিছে শ্ৰী কৃষ্ণ পূজাৰ ধুম।প্ৰাপ্ত বাতৰি মতে নামনি অসম তথা বিটিএডি এলেকাৰ চিৰাং জিলাৰ বাসুগাওঁ অঞ্চলৰ বিজয়গাঁও বৰছৰা সাৰ্বজনীন নামঘৰত আজি দিনটোজোৰা বিভিন্ন কাৰ্যসূচীৰে চতুৰ্থ সংখ্যক বাৰ্ষিক পালনাম অনুষ্ঠিত হয়। সেইমতে যোৱা কালি ২৫মার্চত সন্ধিয়া ছয় বজাত নাম-প্ৰসংগ ,ভাগৱত পাঠ আৰু বন্তি প্ৰজ্বলন কাৰ্যসূচী পালন কৰে। আৰু আজি ৰাতিপুৱা ছয় বজাত বিজনী জিলাৰ ৰবীন পাঠক বাপে আগধৰা পালনামৰ প্ৰসংগঃ আৰম্ভ হয়। আৰু আবেলি এক বজাৰ পৰা চাৰি বজালৈ অনুষ্ঠিত হয় স্থানীয় আই-মাতৃ সকলৰ নাম। চাৰি বজাত অনুষ্ঠিত হয় আমন্ত্ৰিত নামৰ দলৰ থিয়নাম। অহা কাইলৈ ২৭মার্চত ৰাতিপুৱা ছয় বজাত পৰিব পালনামৰ সামৰণি। ইয়াৰ পিছত ৮বজাৰ পৰা অনুষ্ঠিত হয় ভাগৱত ভ্ৰমণ । ৰাতিপুৱা ১০:০০ বজাত আৰম্ভ হব সভাপতি গণেশ চন্দ্ৰ ৰায় বাপৰ সঞ্চালনাত এক আলোচনাচক্ৰ ।
উক্ত আলোচনা চক্ৰত যোগদান কৰিব বিটিআৰ পৰিষদৰ সদস্য প্ৰদীপ কুমাৰ বায়ন বাপ আদিয়ে। সন্ধিয়া বন্তি প্ৰজ্বলনেৰে সামৰণি পৰিব উক্ত পালনামৰ কাৰ্যসূচী ।ইফালে কাইলৈ বঙাইগাঁও শোধনাগাৰ আৰু পেট্ৰ’ৰাসায়নিক প্ৰকল্পৰ সাৰ্বজনীন নামঘৰটো অনুষ্ঠিত হব দিনজোৰা কাৰ্যসূচীৰ এই পালনাম অনুষ্ঠান।