হোজাইত পঞ্চায়ত আৰু গ্ৰাম্য উন্নয়ন বিভাগ ওপৰৰ পৰা তললৈ গেলিছে : শিলাদিত্য দেৱ

লংকা

 পঞ্চায়ত আৰু গ্ৰাম্য উন্নয়ন বিভাগৰ হোজাই সমষ্টিৰ দুই উন্নয়ন ব্লকত আঁচনিসমূহত সম্পূৰ্ণ দুৰ্নীতি হোৱা কথা স্বীকাৰ কৰিছে হোজাই সমষ্টিৰ বিধায়ক শিলাদিত্য দেৱে। বিজেপিৰ এজন নেতাই গুৱাহাটীত থাকিয়েই  হোজাইত এই দুৰ্নীতি চলাই আছে বুলিও তেওঁ মত প্ৰকাশ কৰে।  সম্ভৱত বৃহস্পতিবাৰে আবেলি হোজাই জিলাৰ সদৰ শংকৰদেব নগৰৰ উপায়ুক্তৰ সভাকক্ষত  অনুষ্ঠিত হোৱা জিলাখনৰ পঞ্চায়ত আৰু গ্ৰাম্য উন্নয়ন বিভাগৰ  পৰ্যালোচনা সভালৈ হোজাইৰ বিধায়ক শিলাদিত্য তথা  লামডিং সমষ্টিৰ বিধায়ক শিবু মিশ্ৰক নিমন্ত্ৰণ নকৰাকৈ লৈ অসন্তুষ্টি প্ৰকাশ বিধায়ক শিলাদিত্যৰ। উল্লেখ যে উক্ত সভাত উপস্হিত আছিল বিভাগটোৰ মন্ত্ৰী নব কুমাৰ দলে৷ বিধায়ক শিলাদিত্য দেবৰ ভাষ্য অনুসৰি, ২০১৬ চনত স্বীকৃতি দিয়া নৱ নিৰ্মিত হোজাই জিলাৰ হোজাই সমষ্টিৰ দুটা ব্লক ক্ৰমে যোগীযান আৰু ধলপুখুৰী ব্লকত প্ৰথম অৱস্থাত আছিল বহু দুৰ্নীতি৷ পিছত লাহে লাহে দুৰ্নীতি মুক্ত কৰা হয়৷ হোজাই জিলাৰ উন্নয়ন ব্লক সমূহৰ কোনো ভাল পদক্ষেপ ম‌ই দেখা পোৱা নাই৷ এটাই উদ্দেশ্য প‌ইচা আহিব প‌ইচা লুণ্ঠন কৰিব লাগে, কমিছন য’ৰ পৰা আহিব তাত দিব লাগে আৰু ইয়াত কোনো তদন্ত নহয় আৰু তাৰ বাবে ম‌ই অসমৰ মন্ত্ৰীক তিনি বছৰ ধৰি অনুৰোধ কৰি আছিলো যে মন্ত্ৰী আহক আৰু এখন পৰ্যালোচনাৰ বাবে এখন সভা দিয়ক৷ কিন্তু ১৪ মে’ত পঞ্চায়ত আৰু গ্ৰাম্য উন্নয়নৰ মন্ত্ৰী নৱ কুমাৰ দলে হোজাইৰ শংকৰদেৱ নগৰত উপস্হিত হৈ বিভাগটোৰ আঁচনিৰ ওপৰত পৰ্যালোচনা কৰে যদিও বিভাগৰ ফালৰ পৰা মোক কোনো জনোৱা নাই৷ ম‌ই নিজে মন্ত্ৰীক ফোন কৰিছিলো যে ম‌ই উপস্হিত থাকিম নে নাই কিন্তু মন্ত্ৰীয়ে স্পষ্ট কৈ কোনো উত্তৰ নিদিলে। লগতে লামডিং সমষ্টিৰ বিধায়ক শিবু মিশ্ৰকো মতা নাছিল বুলি ম‌ই অৱগতো হ’লো। হোজাই জিলাৰ অন্তৰ্গত প্ৰতিটো উন্নয়ন ব্লকত দুৰ্নীতি চলি আছে। মুখ্যমন্ত্ৰীকো ম‌ই এই কথাখিনি অৱগত কৰাম৷ যদি এনেদৰে হৈ থাকে আমাক যদি সভালৈ নামাতে আমি বিধায়ক হৈ থকাৰ কি লাভ? আমি অভিযোগ দিয়াৰ পিছতো যদি কোনো  সমাধান নহয় আমি বিধায়ক হৈ থকাৰ কি দৰকাৰ? যাৰ যি মন যায় হোজাই লৈ বদলি কৰি আহি দুৰ্নীতি কৰিব নেকি? এতিয়াতো এনেকুৱাই লাগিছে ম‌ই বেছি মাত বোল কৰো বাবে মোক নামাতিলে৷ ম‌ই সঁচা কথা ক‌ওঁ বাবে ম‌ই বিতৰ্কিত৷ ম‌ই ৰাইজৰ প্ৰতিনিধি, যদি ইয়াত দুৰ্নীতি হৈছে স্পষ্ট কৰিব লাগিব৷ নে ফাঁকি মাৰি গুচি যাম। পঞ্চায়ত আৰু গ্ৰাম্য উন্নয়ন বিভাগটো এটা ব্যৰ্থ বিভাগ৷ আনহাতে তেওঁ আৰু কয় যে হোজাই জিলা পৰিষদ গঠন কৰা ক্ষেত্ৰটো আমাৰ পৰা কোনো আলোচনা কৰা নাছিল৷ সভাপতি বিজেপি আৰু উপ সভাপতি কংগ্ৰেছৰ সদস্যক লৈ কিয় বনোৱা হ’ল।গুৱাহাটীৰ কোন সেইজন আহি তেওঁ এনেদৰে গঠন কৰিবলৈ নিৰ্দেশ দিলে৷ কোন হয় অসমৰ বিজেপি নেতা যি গুৱাহাটীত বহি বহি হোজাই জিলাত দুৰ্নীতি কৰাই আছে? আমি সকলো সময়ত ফাদিল কৰিম৷  ম‌ই এতিয়া প্ৰতিবাদ কৰিম। কাক আৰক্ষীৰ পৰা এৰিব লাগে, কোনখন ট্ৰাক এৰাব লাগে সেইয়া গুৱাহাটীৰ পৰা ফোন কৰা ব্যক্তিজন কোন অতি সোনকালে আপোনালোকে গম পাব। তেওঁলোকে নিৰ্বাচনত কাক টিকট দিব পাৰিব, কাক নোৱাৰিব সেইবোৰ কৰিব পাৰিব কিন্তু সংগঠনক কোনো প্ৰভাব পেলাব নোৱাৰে৷