সদৌ অসম গৰিয়া মৰিয়া দেশী জাতীয় পৰিষদৰ বৰপেটা নগৰ সমিতিৰ উদ্যোগত আৰু সদৌ অসম গৰিয়া মৰিয়া দেশী জাতীয় পৰিষদৰ বৰপেটা জিলা সমিতিৰ সহযোগত বৰপেটা টাউন হাইস্কুলত সমূহীয়া ইফটাৰ । পবিত্ৰ ৰমজান মাহৰ ইফটাৰত অংশগ্ৰহন অসম জাতীয় পৰিষদৰ কেন্দ্ৰীয় সমিতিৰ সাংগঠনিক সম্পাদক গোবিন্দ গায়নে ইফটাৰত উপস্থিত থাকিবলৈ পাই আনন্দিত বুলি মন্তব্য কৰে ৷
এইখন শংকৰ-মাধৱৰ লগতে আজানৰ দেশ আৰু ইয়াত সকলোৱে সম্প্ৰীতি আৰু সমিল-মিলেৰে বাস কৰাৰ ওপৰত গুৰুত্ব দিয়ে ৷ আমাৰ মাজত হিন্দু-মুছলমানক লৈ কোনো ভেদাভেদ নাই আৰু আজিৰ এই সমুহীয়া ইফটাৰে সেই বাৰ্তাই বহন কৰিছে বুলিও উল্লেখ কৰে ৷
এই ইফটাৰত বৰপেটা জিলা বিজেপিৰ সভাপতি অনিল দাসসহ কেবাজনো,বিজেপি নেতা, বৰপেটা পৌৰসভাৰ সভাপতি চবিলাল দাস, কংগ্ৰেছ নেতা দিজু শৰ্মাৰ লগতে এবিভিৰ ত্ৰিদিপ কুমাৰ দাস আৰু আছুৰ কেন্দ্ৰীয় সমিতিৰ সাংগঠনিক সম্পাদক কৃষ্ণকান্ত দাস, ধনী আলী আদি উপস্থিত থাকে । গৰিয়া মৰিয়া দেশী জাতীয় পৰিষদৰ কেন্দ্ৰীয় সমিতিৰ প্ৰচাৰ সম্পাদক মফিদুল হকৰ লগতে আন বহু লোকেও অংশগ্ৰহন কৰে ৷