গুৱাহাটীৰ নাৰায়না চিকিৎসালয়ত দৰং জিলাৰ মহলীয়াপাৰা নিবাসী বিখ্যাত মণ্ডল বংশৰ পৰিয়ালৰ দলৈপাৰা প্ৰাথমিক বিদ্যালয়ৰ অৱসৰ প্ৰাপ্ত কৃতী শিক্ষক ,সৰবৰহী ,ধৰ্ম পৰায়ণ ব্যক্তি ফুকন চহৰীয়া(৮২)ৰ হৃদযন্ত্ৰৰ অসুখত কালি সন্ধিয়া ৬ বজাত বৈকুণ্ঠগামী হয়।শ্ৰীমন্ত শংকৰদেৱ সংঘৰ দৰং জিলাৰ পদুম পুখুৰী প্ৰাথমিক শাখাৰ সভাপতি , দৰং জিলাৰ সৰাবাৰী সমবায় সমিতিৰ সভাপতিৰ আসন অলঙ্কাৰ কৰা লগতে তেওঁ বিভিন্ন ধৰ্মীয় তথা সামাজিক অনুষ্ঠানৰ সতে জড়িত আছিল।মৃত্যুৰ সময়ত তেখেতে পত্নী,দুজন পুত্ৰ, দুজনী বোৱাৰী, দুজনী ছোৱালী, দুজন জোঁৱাই, নাতি -নাতিনীক ইহজগতত এৰি যায়।
ওদালগুৰি জিলা শিশু সুৰক্ষা সমিতিৰ বিষয়া তথা সদৌ কোচ ৰাজবংশী ছাত্ৰ সন্থাৰ মুখ্য উপদেষ্টা গৌতম চহৰীয়াৰ পিতৃৰ বিয়োগত সদৌ কোচ ৰাজবংশী ছাত্ৰ সন্থা চমুকৈ আক্ৰাছু’ৰ সভাপতি দ্বীপেন ৰায়, সাধাৰণ সম্পাদক হেমন্ত বড়া কোচ, কেশৱ ৰায়, উপদেষ্টা অৰুণ ৰায়, দৰং জিলা কোচ ৰাজবংশী ছাত্ৰ সন্থা(আক্ৰাছু),ওদালগুৰি জিলা কোচ ৰাজবংশী ছাত্ৰ সন্থা(আক্ৰাছু),দৰং জিলা কোচ
ৰাজবংশী সন্মিলনী, ওদালগুৰি জিলা কোচ ৰাজবংশী সন্মিলনী, ভেৰগাঁও জিলা কোচ ৰাজবংশী সন্মিলনী, কোচ ৰাজবংশী উন্নয়ন পৰিষদৰ অধ্যক্ষ প্ৰণৱ নাৰায়ণ দেৱ,কমতাপুৰ স্বায়ত্ব শাসিত পৰিষদৰ অধ্যক্ষ হিতেশ্বৰ বৰ্মন, মুখ্য কাৰ্যবাহী সদস্য গকুল বৰ্মন, কাৰ্যবাহী সদস্য কৰ্মেশ্বৰ ৰায়, কাৰ্যবাহী সদস্য জীবেশ ৰায় আদিয়ে গভীৰ দুখ প্ৰকাশ কৰাৰ লগতে শোক সন্তপ্ত পৰিয়ালবৰ্গক সমবেদনা জ্ঞাপন কৰিছে।
টংলাৰ পৰা ফটিক ৰাভাৰ সহযোগত অৰূপ বড়োৰ ৰিপোৰ্ট