ডিৰাক সীমান্ত আৰু কাকপথাৰ।
বিশ্ব পৰিবেশ দিৱসৰ লগত সংগতি ৰাখি আজি বৃহত্তৰ কাকপথাৰ অঞ্চলটোত জন প্ৰতিনিধি, সামাজিক দল সংগঠন, যুৱক সংঘৰ লগতে শিক্ষানুষ্ঠান, প্ৰকৃতিপ্ৰেমী সংগঠন আদিয়ে গছপুলি ৰোপন আৰু বিতৰণ কৰে। কাকপথাৰ আঞ্চলিক মৰাণ ছাত্ৰ সন্থাই অঞ্চলটোৰ ১২ টা স্থানত স্থানীয় ৰাইজৰ সহযোগিতাৰে কেইবাশ গছপুলি ৰোপন কৰে। কাৰ্যসূচীত সংগঠনটোৰ সভাপতি মৃদুল দহোতীয়া, সম্পাদক নয়ন্ত মৰাণৰ লগতে সমিতিৰ কৰ্মকৰ্তাই সক্ৰীয় অংশগ্ৰহন কৰে। অঞ্চলটোৰ ৩নং কাকপথাৰৰ জ্ঞানদ্বীপ যুৱক সংঘই জ্যোতিৰ্ময় হাইস্কুল খেলপথাৰত তিনিচুকীয়া জিলা পৰিষদৰ অধ্যক্ষ ললিত মৰাণৰ উপস্থিতিত পৰিবেশ দিৱস উপলক্ষে গছপুলি ৰোপন কৰে। এই কাৰ্যসূচীত কাকপথাৰ আৰক্ষী থানাৰ ভাৰপ্ৰাপ্ত আৰক্ষী বিষয়া বিৰাজ কুমাৰ দাস, শদিয়াৰ বিধায়ক প্ৰতিনিধি সীমান্ত মৰাণ, বিজেপি যুৱ মৰ্চাৰ ৰাজ্যিক কাৰ্যনিৰ্বাহক সুৰজিত মৰাণ ,শদিয়া জিলা সভাপতি তীৰ্থৰাজ নেওগ সম্পাদক প্ৰণৱ শইকীয়া, বিদ্যালয়খনৰ প্ৰধান শিক্ষক বীৰেণ ডেকা মৰাণ আৰু যুৱক সংঘৰ কৰ্মকৰ্তাই সহযোগ আগবঢ়ায়। চেঙেলীজান যুবক সংঘৰ উদ্যোগতো চেঙেলীজান প্ৰাথমিক বিদ্যালয়, চেঙেলীজান সাধনী ভব়ন, চেঙেলী মাজ গাওঁ শিশু কল্যাণ প্ৰাথমিক বিদ্যালয় আৰু চেঙেলীজান-বৰমেছাই গ্ৰাম্য পথৰ কাষত গছপুলি ৰোপণ কৰে। সমগ্ৰ কাৰ্যসুচীতে সংঘৰ উপদেষ্টা বিপিন বড়া, সমাজসেৱিকা ভনী বড়া, শিশুকল্যাণ প্ৰাথমিক বিদ্যালয়ৰ প্ৰধান শিক্ষক বিমল চুতীয়া আৰু কাকপথাৰ আঞ্চলিক চুতীয়া ছাত্ৰ সন্থাৰ সম্পাদক সত্যব্ৰত চুতীয়া উপস্থিত থাকে। ইফালে ১ নং সৰুডিৰাক নামঘৰৰ চৌহদতো প্ৰকৃতিপ্ৰেমী সংগঠন এভাৰগ্ৰীণ আৰ্থে প্ৰায় ১০০ জোপা গছ ৰোপণ কৰে। বৃক্ষ ৰোপন কাৰ্যসূচীৰ শুভাৰম্ভ কৰে সংগঠনটোৰ সঞ্চালক গুনধৰ কোঁৱৰে। তিনিচুকীয়া জিলা কৰ্মচাৰী পৰিষদৰ সৌজন্যত আৰু কাকপথাৰ আঞ্চলিক সমিতিৰ সহযোগত কাকপথাৰ উচ্চতৰ মাধ্যমিকৰ বিদ্যালয়ৰ চৌহদত বৃক্ষ ৰোপনেৰে কাৰ্যসূচী সমাপন কৰে। অভিৰুচী ক্লাব কাকপথাৰেও ৰাষ্ট্ৰীয় ঘাইপথ সংযোগী বাইপাছত গছপুলি ৰোপন কৰা দেখা যায়। উল্লেখ্য যে পৰিবেশ দিৱসত কাকপথাৰৰ উৱন, কুলিপথাৰ, কাচিজান, টঙনা, লাজুম, তেজী, বৰালী, বৰাচুক, বৰডিৰাক, সোনজান আদি গ্ৰাম্য ঠাই সমূহত স্থানীয় দল সংগঠন, যুৱ সংঘ আৰু শিক্ষানুষ্ঠান সমূহে নিজাববীয়াকৈ পৰিবেশ দিৱসত গছপুলি ৰোপন কৰাৰ উপৰিও সজাগতা অনুষ্ঠানৰ আয়োজন কৰে।
