গণতন্ত্ৰৰ চতুৰ্থ স্তম্ভৰ সেৱক সাংবাদিক সমাজৰ সুৰক্ষা এই খন অসমত নোহোৱা হৈছে। ইয়াৰ জলন্ত উদাহৰণ চিৰাং জিলাৰ বাসুগাওঁৰ সাংবাদিক জয়ন্ত দেৱনাথক আৰক্ষীয়ে কৰা অমানুষিক অত্যাচাৰৰ ঘটনা। উল্লেখ্য যে ; চিৰাং জিলাৰ আৰক্ষীয়ে সাংবাদিক জয়ন্ত দেৱনাথক আক্ৰমণ কৰা ঘটনাক তীব্ৰ ভাষাৰে ধিক্কাৰ দি আজি ৰাজ্যখনৰ প্ৰতিটো প্ৰেছ ক্লাবত প্ৰতিবাদ সাব্যস্ত কৰে।
আৰক্ষীয়ে সাংবাদিক গৰাকীক প্ৰহাৰ কৰা ঘটনাৰ বিৰুদ্ধে ৰাজ্যৰ প্ৰতিটো প্রেছ ক্লাবৰ সদস্য সকলে কলা বেজ পৰিধান কৰি আজি পুৱাৰ ভাগত প্ৰতিবাদী কাৰ্য্যসূচী ৰূপায়ণ কৰে। জানিব পৰা মতে চিৰাং জিলাৰ প্ৰতিদিন টাইমৰ সাংবাদিক জয়ন্ত দেৱনাথৰ ওপৰত আৰক্ষীয়ে বৰ্বৰতাৰ পৰিচয় দি আক্ৰমণ কৰে।
এই ঘটনাৰ বিৰুদ্ধে প্ৰতিবাদ জনাই আজি প্রেছ ক্লাবৰ সদস্য সকলে গণতন্ত্ৰৰ চতুৰ্থ স্তম্ভৰ সেৱক সাংবাদিকক সুৰক্ষা প্ৰদান কৰক ; সাংবাদিক নিগ্ৰহ বন্ধ হওক ; সাংবাদিকৰ সুৰক্ষা সু-নিশ্চিত কৰক ; সাংবাদিকক সুৰক্ষা প্ৰদান কৰক ; সাংবাদিক জয়ন্ত দেৱনাথক ন্যায় প্ৰদান কৰক ; সাংবাদিকক আক্ৰমণ কৰা আৰক্ষীক শাস্তি প্ৰদান কৰক আদি বিভিন্ন শ্লোগান লিখা প্লে’কাৰ্ড লৈ আৰু কলা বেজ পৰিধান কৰি প্ৰতিবাদ সাব্যস্ত কৰে। লগতে অতি শীঘ্ৰে বিষয়টো সন্দৰ্ভত তদন্ত কৰিবলৈ চৰকাৰক আহ্বান জনায়।
