সৰুপথাৰত মাস্ক নিপিন্ধা লোকক ৫০০টকাকৈ জৰিমনা বিহিলে আৰক্ষীয়ে
ৰাজ্য চৰকাৰৰ নতুন SOP জাৰি কৰাৰ লগে লগে সষ্টম হৈ পৰিছে আৰক্ষী প্ৰশাসন। সমগ্ৰ দেশতে এতিয়া কৰ’না মহামাৰীয়ে এক ভয়ংকৰ ৰূপ ধাৰণ কৰিছে। দৈনিক আক্ৰান্তৰ সংখ্যা বৃদ্ধি হৈছে আৰু ঠায়ে ঠায়ে বহুলোকৰ মৃত্যু বৰণ ঘটিছে।
ইমানৰ পিছটো কিন্তু একাংশ অসচেতন লোকৰ গাত কথা লগা নাই। মাস্ক নিপিন্ধাকৈয়ে মুকলি মনে ঘুৰি ফুৰিছে বহুলোক। যাৰ পৰিপ্ৰেক্ষিতত সষ্টম হৈ পৰিছে আৰক্ষী প্ৰশাসন। আজি ধনশিৰি মহকুমাৰ সৰুপথাৰ নগৰতো এচাম মাস্ক পৰিধান নকৰা লোকক আৰক্ষীয়ে ভাৰতীয় দণ্ডবিধি আইনৰ ১৮৮ধাৰা অনুযায়ী প্ৰথমবাৰৰ বাবে ৫০০ টকাকৈ জৰিমনা বিহিলে আৰু পৰৱৰ্তী সময়ত মাস্ক নিপিন্ধাকৈ পালে ১০০০ টকাকৈ জৰিমনা বিহাৰো সকীয়নি প্ৰদান কৰিলে। ইয়াৰ উপৰিও সন্ধিয়া ৬ বজাৰ লগে লগে সৰুপথাৰ নগৰৰ সকলো দোকান=পোহাৰ বন্ধ কৰা দেখা গল।