অভিযোগ প্ৰমানিত নকৰাকৈ অভিযুক্তৰ বাসগৃহ আৰক্ষীয়ে বুলডজাৰ লগাই ভাঙি দিয়া কাৰ্যৰ বিৰুদ্ধে কঠোৰ স্হিতি আদালতৰ। পাটনা উচ্চ ন্যায়ালয়ত এটা গোচৰৰ শুনানী গ্ৰহন কৰি আৰক্ষীৰ বিৰুদ্ধে খৰ্গহস্ত হৈ পৰে আদালত। ন্যায়াধীশ সন্দীপ কুমাৰে আৰক্ষীৰ হাতত যদি আইন আছে তেনেহলে থানালৈ গৈ আৰক্ষীক মেনেজ কৰি ঘৰ ভাঙক বুলি মন্তব্য কৰি আদালত বন্ধ কৰি দিবলৈকো পৰামৰ্শ দিয়ে।
ন্যায়াধীশ কুমাৰে বুলডজাৰ লগাই ঘৰ ভঙা আৰক্ষীয়ে ভুক্তভোগীৰ ঘৰ নতুনকৈ নিৰ্মাণ কৰি দিয়াৰ লগতে ঘটনাত জড়িত আৰক্ষীয়ে নিজৰ পকেটৰ পৰা ৫ লাখকৈ টকা আদায় দিব লাগিব বুলিও উল্লেখ কৰে। উল্লেখযোগ্য যে বুলডজাৰ সংস্কৃতিয়ে অসমকো চুই যোৱাত গুৱাহাটী উচ্চ ন্যায়ালয়েও আৰক্ষীক তীব্ৰ ককৰ্থনা কৰিছিল। শেহতীয়াকৈ পাটনা উচ্চ ন্যায়ালয়েও অভিযুক্তৰ ঘৰ আৰক্ষীয়ে বুলডজাৰ লগাই ভঙা কাৰ্যৰ বিৰুদ্ধে কঠোৰ স্হিতি গ্ৰহন কৰে।