দক্ষিণ চিনেমাৰ ‘বাহুবলী’ অৰ্থাৎ প্ৰভাসৰ বহু প্ৰজেক্টৰ বাবে বৰ্তমান শিৰোনাম দখল কৰিছে। ইফালে তেওঁৰ অনুৰাগীৰ মনত প্ৰশ্ন কেতিয়া বিবাহপাশত আৱদ্ধ হ’ব প্ৰভাস? (Prabhas) শেহতীয়াকৈ ট্ৰেড এনালাইষ্ট মনোবালা বিজয়াবালানে তেওঁৰ x(Twitter) হেণ্ডেলত এটা ৰহস্যময় পোষ্ট কৰিছে, বৰ্তমান এই পোষ্টটো দ্ৰুতগতিত ভাইৰেল হৈ আছে, য’ত তেওঁ কেৱল ছুপাৰষ্টাৰগৰাকীৰ নাম ‘প্ৰভাস’ লিখিছে। ইয়াৰ লগতে ব্রাইডাল ইমোজি শ্বেয়াৰ কৰিছিল।(Prabhas Married Rumours)
অৱশ্যে প্ৰভাসে সঁচাকৈয়ে বিয়া হ’ব নে সেই বিষয়ে তেওঁ নিজৰ পোষ্টটোত স্পষ্ট কৰা নাই। কিন্তু তেওঁৰ পোষ্ট ভাইৰেল হোৱাৰ পিছত অনুৰাগীসকল আচৰিত হোৱাৰ লগতে সুখো প্ৰকাশ কৰিছে। ব্যৱহাৰকাৰীসকলে তেওঁৰ পোষ্টটোৰ ওপৰত মন্তব্য কৰি মাত্ৰ এটা প্ৰশ্ন কৰিছে যে সঁচাকৈয়ে প্ৰভাসৰ বিয়া হ’ব নেকি? এজন অনুৰাগীয়ে সুধিলে, ‘নিশ্চিত হৈছেনে? #প্ৰভাস’, আনহাতে আন এজনে লিখিছে, ‘অৱশেষত! অভিনন্দন প্ৰভাস ছাৰ।
তৃতীয় এজন ব্যৱহাৰকাৰীয়ে সুধিলে- ‘প্ৰভাসৰ বিয়া হ’ব নেকি?’ একাংশ অনুৰাগীয়েও জানিব বিচাৰিছিল যে তেওঁ বাহুবলীৰ সহ অভিনেত্ৰী অনুষ্কা শ্বেট্টীক বিয়া কৰাব নে নকৰাই? যোৱা বছৰো প্ৰভাসৰ বিবাহ সম্পৰ্কে ছ’চিয়েল মিডিয়াত উৰাবাতৰি প্ৰচাৰ হৈছিল যেতিয়া তেওঁ এটা ৰহস্যময় পোষ্ট শ্বেয়াৰ কৰিছিল য’ত তেওঁ ‘কোনোবা বিশেষ’ৰ কথা উল্লেখ কৰিছিল। পিছত হায়দৰাবাদত ‘কলকী ২৮৯৮ খ্ৰীষ্টাব্দ’ অনুষ্ঠানৰ সময়ত প্ৰভাসে এই উৰাবাতৰি অস্বীকাৰ কৰে।
তেওঁ কয়, ‘মই মোৰ মহিলা অনুৰাগীৰ হৃদয়ত আঘাত দিব নিবিচাৰো বাবেই মই সোনকালে বিয়া পতা নাই।’ ২০২৩ চনত প্ৰভাসক তেওঁৰ ছবি ‘আদিপুৰুষ’ৰ সহ অভিনেত্ৰী কৃতি ছাননৰ লগত ডেটিং কৰা বুলিও উৰাবাতৰিৰ সৃষ্টি হৈছিল।
প্ৰভাসৰ চিনেমা ‘বাহুবলী’ ব্লকবাষ্টাৰ হোৱাৰ পিছত লাখ লাখ ছোৱালীয়ে তেওঁক প্ৰস্তাৱ আগবঢ়োৱাৰ খবৰ আহিছিল। অৱশ্যে কোনেও এই কথা নিশ্চিত কৰা নাই।