অহা ১৭, ১৮ আৰু ১৯ মে’ ত তিনিদিনীয়া বৰ্ণাঢ্য কাৰ্যসূচীৰে অনুষ্ঠিত হ’ব চিলাপথাৰৰ বেতনিপাম আঞ্চলিক ব’হাগী বিদায় সন্মিলনৰ সোণালী জয়ন্তী উৎসৱ।সেই উদ্দেশ্যে আজি বিহু উদযাপন স্থলীত উদযাপন সমিতিৰ এখন গুৰুত্বপূৰ্ণ বৈঠক অনুষ্ঠিত হয় । সভাত সোণালী জয়ন্তী উদযাপনৰ অগ্ৰগতি সন্দৰ্ভত আলোচনা হয়।তিনিদিয়াকৈ অনুষ্ঠিত হ’ৱ লগা সোণালী জয়ন্তী উৎসৱত বিহুৰ সকলো প্ৰতিযোগিতা অনুষ্ঠিত কৰাৰ উপৰিও সদৌ অসম ভিত্তিত হুঁচৰি আৰু বৰ বিহুৱতী প্ৰতিযোগিতা অনুষ্ঠিত হব।মুকলি সভাত অসম চৰকাৰৰ সাংস্কৃতিক পৰিক্ৰমা মন্ত্ৰী বিমল বৰাই অংশগ্ৰহণ কৰিব বুলি উদ্যোক্তাসকলে জানিবলৈ দিছে।অন্তিম দিনাৰ সাংস্কৃতিক সন্ধিয়াত জুবিন গাৰ্গৰ লগতে দিগন্ত গোহাঁই, প্ৰিয়ম বনিতা আদি শিল্পীয়ে অংশগ্ৰহণ কৰিব।সমগ্ৰ অনুষ্ঠানটো পৰিচালনাৰ ক্ষেত্ৰত সংবাদ মাধ্যমৰ জৰিয়তে সকলো স্তৰৰ ৰাইজৰ লগতে প্ৰতিযোগীসকলৰ সহায় সহযোগিতা কামনা কৰিছে উদযাপন সমিতিয়ে।হুঁচৰি আৰু বৰবিহুৱতী প্ৰতিযোগিতাৰ বাবে আগ্ৰহীসকলে সাংস্কৃতিক সম্পাদক জিতু দত্তৰ ৭০০২৬৩৩৪২১ নম্বৰত যোগাযোগ কৰিব পাৰিব ।
লগতে অনুষ্ঠানটোৰ লগত সংগতি ৰাখি প্ৰকাশ পাৱ লগা স্মৃতিগ্ৰন্থলৈ আগ্ৰহী শ্ৰদ্ধাৰ লেখক লেখিকা সকলে স্মৃতিগ্ৰন্থৰ সম্পাদক মৃদুপৱন চুতীয়াৰ mridupaban.chutia@gmail.com ই-মেইল অথবা হোৱাটচ্এপ নং ৭০০২৯৭৪৩১২ যোগে তেখেত সকলৰ বিহু সম্পৰ্কীয় লেখাসমূহ পঠিয়াব পাৰিব ।