ঢকুৱাখনা, ৮ ডিচেম্বৰ: ৰাজ্যৰ বিশিষ্ট সাহিত্যিক, সাংবাদিক তথা ‘নিয়মীয়া বাৰ্তা’ৰ মুখ্য সম্পাদক হোমেন বৰগোহাঞি দেৱৰ ৮৮ সংখ্যক জন্ম দিৱস কালি ঢকুৱাখনাত তেখেতৰ অনুগামী সকলে অনুষ্ঠুপীয়াকৈ পালন কৰে। তেওঁৰ -৮৮ সংখ্যক উপজা দিনৰ কেক কাটি অনুষ্ঠানৰ শুভাৰম্ভ কৰে নগাঁও নৰ্মাল স্কুলৰ অৱসৰপ্ৰাপ্ত অধ্যক্ষ ক্ষীৰোদ গগৈয়ে।গগৈয়ে তেওঁৰ বক্তব্যত-হোমেন বৰগোহাঞিৰ কিতাপবোৰ আৰু তেওঁৰ বিভিন্ন লেখাবোৰ অসমৰ সচেতন পঢ়ুৱৈ সমাজে কিয় গুৰুত্বসহকাৰে গ্ৰহণ কৰে তাৰ বিষয়ে কয় ।ঢকুৱাখনাৰ এগৰাকী কবি তথা শিল্পী ৰাজীৱ তামুলীয়ে আঁত ধৰা অনুষ্ঠানত হোমেন বৰগোহাঞিৰ সান্নিধ্যত সাংবাদিকতা কৰাৰ স্মৃতি সুঁৱৰি হেমন্ত কুমাৰ বৰুৱাই বক্তব্য ৰাখে।ইয়াৰ পিছতেই কাশ্যপী তনয়া গগৈয়ে এটি গীত পৰিৱেশন কৰে। ৰাজীৱ তামুলীয়ে হোমেন বৰগোহাঞিৰ কাব্য সংকলন-“হৈমন্তী”ৰ পৰা এটা কবিতা আবৃত্তি কৰে। ইফালে বৰগোহাঞিৰ ভাগিন তথা কবি মৌচুমী গগৈ হাতীবৰুৱাই সৰুৰে পৰা দেখি অহা হোমেন বৰগোহাঞিৰ জীৱনৰ বিভিন্ন দিশ সম্পৰ্কে বক্তব্য ৰাখে। ইয়াৰ পিছতেই-সাংবাদিক ৰাজীৱ বৰুৱাই বৰগোহাঞিৰ কিতাপবোৰৰ শিৰোনাম লৈৰচনা কৰা এটা কবিতা পাঠ কৰে।অন্যহাতে এই অনুষ্ঠানত উপস্থিত থাকি ঢকুৱাখনা মহাবিদ্যালয়ৰ অধ্যাপক দিলীপ হাতীবৰুৱা, অৱসৰপ্ৰাপ্ত আৰক্ষী বিষয়া নিপেন শইকীয়া, সাংবাদিক অৰুণ চমুৱা, সু-লেখিকা নৱনীতা গগৈ আদিয়েও হোমেন বৰগোহাঞিৰ জীৱনৰ বিভিন্ন দিশ উন্মোচন কৰি বক্তব্য ৰাখে।
