হায়দৰাবাদত ‘পুষ্পা ২’ৰ প্ৰিমিয়াৰত অঘটন। হায়দৰাবাদত পুষ্পা ২ৰ প্ৰিমিয়াৰৰ সময়ত আল্লু অৰ্জুন উপস্থিত হোৱাৰ পাছতে আল্লু অৰ্জুনক চাবলৈ অনুৰাগীসকলৰ মাজত সৃষ্টি হয় হেঁচা-ঠেলাৰ। (Pushpa 2 Premiere)
হায়দৰাবাদত পুষ্পা ২ৰ প্ৰিমিয়াৰ শ্ব’ বিশৃংখলতালৈ পৰিণত হয়। বুধবাৰে নিশা আৰটিচিৰ চৌহদত থকা সন্ধ্যা থিয়েটাৰত বহুত ভিৰৰ সৃষ্টি হয়, যাৰ ফলত এগৰাকী মহিলা আৰু তেওঁৰ সন্তানৰ মৃত্যু হয়। প্ৰকাশিত এক প্ৰতিবেদন অনুসৰি তাৰকা আল্লু অৰ্জুনক চাবলৈ থিয়েটাৰৰ সমীপত ভয়াবহ পৰিস্থিতিৰ সৃষ্টি হোৱাৰ পিছত ৰেৱতী নামৰ এগৰাকী ৩৯ বছৰীয়া মহিলাৰ মৃত্যু হয় আৰু তেওঁৰ সন্তানটিৰ ইৱস্থা সংকটজনক হৈ পৰে। (Pushpa 2)
প্ৰতিবেদনত উল্লেখ কৰা হৈছে যে দিলছুখনগৰৰ পৰা অহা ৰেৱতী নামৰ যুৱতীগৰাকীৰ মৃত্যু হয়। স্বামী ভাস্কৰ আৰু তেওঁলোকৰ দুই সন্তানৰ সৈতে আল্লু অৰ্জুন অভিনীত ছবিখনৰ প্ৰদৰ্শনত অংশগ্ৰহণ কৰিবলৈ আহিছিল।(Hyderabad)
বুধবাৰে নিশা প্ৰায় ১০.৩০ এই ঘটনা সংঘটিত হয়। এক্সত কেইবাটাও ভিডিঅ’ও পোহৰলৈ আহিছে, য’ত থিয়েটাৰৰ সমীপৰ বিশৃংখলতা পৰিস্থিতিৰ আভাস পোৱা গৈছে।
ইয়াৰ কিছু সময়ৰ পিছতে আল্লু অৰ্জুনক বাহৰিলৈ ওলাই অহা দেখা গৈছিল, য’ত নিৰাপত্তাৰক্ষীয়ে ঘেৰি ধৰিছিল। তেওঁ ছানৰুফৰ পৰা ফেনসকলক হাত জোকাৰি গাড়ীবোৰ আগুৱাই যাবলৈ অনুৰোধ কৰিছিল।(Allu Arjun)