লোকসভাৰ সদস্যপদ লাভ কৰাৰ পিছত ৰাহুল গান্ধীৰ ৱায়ানাদ ভ্ৰমণ। শনিবাৰৰ পৰা কেৰালাৰ নিজৰ সমষ্টি ৱায়ানাদ ভ্ৰমণত ব্যস্ত হৈ আছে ৰাহুল গান্ধী। ৱায়ানাদত উপস্থিত হৈ তামিলনাডুৰ নীলগিৰি জিলাত টোডা সম্প্ৰদায়ৰ লোকৰ সৈতে কিছু সময় কটায়। এই সময়ত তেওঁ টোডা লোকৰ দেৱতা মন্দিৰ পৰিদৰ্শন কৰাৰ লগতে তেওঁলোকৰ সৈতে নৃত্যও কৰে।
লগতে মুথুনাডুমাণ্ডুত ৰৈ জনজাতীয় সমাজৰ সদস্যসকলৰ সৈতে মত বিনিময় কৰে। জনজাতীয় লোকৰ সৈতে নৃত্য কৰাৰ উপৰিও আৰু পৰম্পৰাগত খাদ্যৰ সোৱাদো লয়। অহা বছৰ দেশত অনুষ্ঠিত হ’ব লোকসভা নিৰ্বাচন। আনহাতে আদিবাসী লোকসকলে ৰাহুল গান্ধীক পৰম্পৰাগত চাদৰো উপহাৰ দিয়ে।