১৬ জানুৱাৰী,২০২৫ঃ Rajiv Sadia ।পশ্চিম দৰং আঞ্চলিক ছাত্ৰ সন্থাৰ উদ্যোগত, স্বেচ্ছাসেৱী অনুষ্ঠান উদয়ন যুৱ মঞ্চ বৰবড়ী আৰু আঞ্চলিক ৰাইজৰ সহযোগত । সমগ্ৰ ৰাজ্যবাসিক কন্দুৱাই ভোগালী বিহুৰ মাজতে চিৰ বিদায় লোৱা বিপ্লবী কণ্ঠশিল্পী ৰাজীৱ শদিয়াৰ মৃত্যুত ম্রিয়মান ৰাজ্যবাসী।
অতি কম সময়ৰ ভিতৰতেই জাতি মাতি ৰ গান গাই ৰাইজৰ মাজত জনপ্ৰিয়তা লাভ কৰা প্ৰয়াত কণ্ঠশিল্পী ৰাজীৱ শদিয়াৰ মৃত্যুত গভীৰ শোক প্ৰকাশ কৰি আজি পশ্চিম দৰং আঞ্চলিক ছাত্ৰ সন্থাৰ উদ্যোগত আৰু পশ্চিম দৰঙৰ অগ্ৰনী স্বেচ্ছাসেৱী অনুষ্ঠান উদয়ন যুৱ মঞ্চ বৰবড়ী আৰু আঞ্চলিক ৰাইজৰ সহযোগত বৰবড়ী ত এক ৰাজহুৱা শ্রদ্ধাঞ্জলি অনুষ্ঠানৰ আয়োজন কৰে।
প্ৰয়াত শিল্পী ৰাজীৱ শদিয়াৰ প্ৰতিচ্ছবি ত মাল্য অর্পণেৰে বন্তি প্রজ্বলন কৰি আত্মাৰ সদগতি কামনাৰ কৰে। অনুষ্ঠানত পশ্চিম দৰং আঞ্চলিক ছাত্ৰ সন্থাৰ সভাপতি নয়ন মনি কলিতা, জাতীয় উণ্ণয়ন পৰিষদ অসম ৰ সাধাৰণ সম্পাদক অমিয় কুমাৰ ডেকা,উদয়ন যুৱ ৰ সভাপতি জয়দেৱ নাথ, গাওঁ প্ৰধান শৰৎ ডেকা, বোনমাঝা গাওঁ পঞ্চায়তৰ প্ৰাক্তন সভাপতি উদ্ধৱ ডেকা,অসম জাতীয়তাবাদী যুৱ ছাত্ৰ পৰিষদ দৰং জিলা সমিতিৰ প্ৰাক্তন সাধাৰণ সম্পাদক উৎপল শৰ্মা,অসম জাতীয়তাবাদী যুৱ ছাত্ৰ পৰিষদ পশ্চিম দৰং আঞ্চলিক সমিতিৰ প্ৰাক্তন সাধাৰণ সম্পাদক দিবাকৰ বৰুৱা সহ পশ্চিম দৰং আঞ্চলিক ছাত্ৰ সন্থা, উদয়ন যুৱ মঞ্চ ৰ কেইবাজনো সদস্য উপস্থিত থাকে।