সামাজিক মাধ্যমত বনজুই দৰে বিয়পিছে এখন ফটো। ফটোখনত দেখা গৈছে বিখ্যাত তাৰকা দম্পতীয়ে মুকলি আকাশৰ তলত এখন ৰেষ্টুৰেণ্টত বহি খাদ্য গ্ৰহণ কৰি থকা অৱস্থাত। হয়, বিজয় আৰু ৰশ্মিকাৰ কথা কৈছোঁ। দুয়োৰে প্ৰেমৰ সম্পৰ্কক লৈ বহু উৰাবাতৰি ওলাইছে। শেহতীয়াকৈ ভাইৰেল হোৱা এই ফটোখনে আৰু অধিক ৰহস্য সৃষ্টি কৰিছে অনুৰাগীৰ মাজত।(Rashmika Mandanna)
আনকি তেওঁলোক দুয়ো ভেকেচনত একেলগে সময় কটাবলৈ গৈছিল বুলিও খবৰ ওলাইছিল। কেতিয়াবা বিজয় দেৱেৰাকোণ্ডাৰ টি-চাৰ্ট পিন্ধি কেমেৰাৰ সন্মুখলৈ আহি ৰশ্মিকাই হাঁহিছিল। কিন্তু তেওঁলোকৰ সম্পৰ্কৰ কথা কোৱা কেতিয়াও কোৱা নাই। এইবাৰ দুয়োকে ব্যক্তিগতভাৱে দুপৰীয়াৰ আহাৰ গ্ৰহণ কৰা দেখা গ’ল। পিছফালৰ পৰা কেমেৰাত তেওঁলোকৰ ফটো বন্দী কৰিলে এজন অনুৰাগীয়ে।(Vijay Deverakonda)
ছবিখনত তেওঁলোক দুয়োকে মুকলি আকাশৰ তলৰ ৰেষ্টুৰেণ্টত খাদ্য গ্ৰহণ কৰি থকা দেখা গৈছে। আনকি বিজয় আৰু ৰশ্মিকাই মেচিং কাপোৰ পিন্ধিছে। বগা টি-চাৰ্টৰ ওপৰত বিজয়ে পিন্ধিছে নীলা ৰঙৰ বুটাম খোলা চাৰ্ট। মূৰত টুপী। আনহাতে ৰশ্মিকাই পিন্ধিছে নীলা ৰঙৰ ক্ৰপ টপ আৰু ডেনিম পেণ্ট। অনুৰাগীসকলে অনুমান কৰিছিল যে তেওঁলোকে এটা বিশেষ মুহূৰ্ত শ্বেয়াৰ কৰিবলৈ মিল থকা ৰঙৰ সাজ-পোছাক পিন্ধিছিল।(Pushpa2)
বিজয়ে বৰ্তমান শ্ৰীলংকাত এখন ছবিখনৰ শ্বুটিং কৰি আছে। কিছুদিন পূৰ্বে এক সাক্ষাৎকাৰত বিজয়ে কৈছিল যে তেওঁৰ বয়স এতিয়া ৩৫ বছৰ। কোনো কাৰণতে তেওঁ ‘চিংগল’ নহয়। নেটিজেনৰ মতে, অতি শীঘ্ৰে তেওঁলোকে এই সম্পৰ্ক সন্দৰ্ভত আনুষ্ঠানিক ঘোষণা কৰিব।
সন্দীপ ৰেড্ডী বাংগাৰ ‘এনিমেল’ত শেষবাৰৰ বাবে দেখা গৈছিল ৰশ্মিকাক। এই ছবিখনত অভিনয় কৰাৰ বাবে ৰশ্মিকাক সমালোচনা কৰা হৈছিল ‘মিছ’জিনিষ্ট’ লেবেলৰ বাবে। ইয়াৰ পিছত তেওঁক দেখা যাব ‘পুষ্পা ২ত। ৫ ডিচেম্বৰত মুক্তি পাব এই ছবিখন। আনহাতে বিজয়ক‘ভিডি ১২’ নামৰ এখন ছবিত দেখা যাব।