গুৱাহাটী, ১১ নৱেম্বৰঃ যশস্বী উদ্যোগপতি ৰতন টাটাৰ দেহাৱসানৰ এমাহ পূৰ্তিৰ দিনটোতে প্ৰকাশ পালে টাটাৰ বৈচিত্ৰ্যময় জীৱনৰ আধাৰত সাংবাদিক খনীন্দ্ৰ কুমাৰ ডেকাৰ দ্বাৰা ৰচিত গ্ৰন্থ ‘ৰতন টাটা(Ratan Tata)’৷
‘বনলতা’ৰ দ্বাৰা প্ৰকাশিত এই গ্ৰন্থখনত ৰতন টাটাৰ বিচিত্ৰ জীৱন আৰু কৰ্মৰ নানা বৰ্ণাঢ্য দিশৰ লগতে টাটা গোষ্ঠীৰ(Tata Group) ডেৰশ বছৰীয়া গৌৰৱোজ্বল ইতিহাসো সন্নিৱিষ্ট হৈছে৷
উদ্যোগপতি হিচাপে ৰতন টাটাৰ চমকপ্ৰদ সাফল্য, টাটা গোষ্ঠীৰ বিশ্বজোৰা বিস্তাৰ, নানা প্ৰত্যাহ্বান অতিক্ৰমী কৰা অসাধ্য সাধন, জীৱনজোৰা জনকল্যাণকামী কৰ্ম, টাটাৰ সৰল জীৱনশৈলী আৰু আদৰ্শ আদি দিশ গ্ৰন্থখনত বৰ্ণিত হৈছে৷
তদুপৰি গ্ৰন্থখনত সন্নিৱিষ্ট হৈছে নুছেৰৱানজী টাটা আৰু জামছেদজী টাটাৰ পৰা আৰম্ভ কৰি টাটাৰ পূৰ্বপুৰুষৰো সংগ্ৰাম তথা উত্তৰণৰ কাহিনী(Cornell University College of Architecture)৷
অসমৰ সৈতে থকা ৰতন টাটাৰ দীৰ্ঘ সম্পৰ্ক আৰু অতুলনীয় অৱদানৰ কথাও বিস্তৃতভাৱে আলোকপাত কৰা হৈছে গ্ৰন্থখনত৷
কেবল কেঞ্চাৰ হাস্পতাল বা ছেমি কণ্ডাক্টৰ প্ৰকল্পৰ কথাই নহয়, এসময়ত উগ্ৰপন্থী অধ্যুষিত অসমত চাহ বাগিচা পৰিচালনাৰ ক্ষেত্ৰত টাটা গোষ্ঠীয়ে সন্মুখীন হোৱা অভাৱনীয় পৰিস্থিতিৰ কথাও গ্ৰন্থখনত বৰ্ণিত হৈছে(Harvard Business School)৷
ৰতন টাটাৰ সাফল্য-মন্ত্ৰৰ কথা বিশেষভাৱে আলোচনা কৰাৰ লগতে জীৱনক উদ্দেলিত কৰিব পৰা টাটাৰ প্ৰায় ডেৰ কুৰি সোণসেৰীয়া উক্তিও গ্ৰন্থখনত সন্নিৱিষ্ট হৈছে(Cornell University)৷
নেন’ৰ সপোন আৰু বাস্তৱ, মধুৰ প্ৰতিশোধ লৈ জাগুৱাৰ-লেণ্ডৰোভাৰ অধিগ্ৰহণ, ২৬/১১ৰ মুম্বাই আক্ৰমণৰ সময়ত টাটাৰ ভূমিকা, টাটাৰ প্ৰেম, চাইৰাছ মিস্ত্ৰীৰ সৈতে সংঘাত আৰু বিবাদ, পাইলটৰ ৰূপত টাটা, গেংষ্টাৰৰ বিৰুদ্ধে কৰা সংগ্ৰাম, টাটাৰ ইচ্ছাপত্ৰ আদি সকলো দিশ গ্ৰন্থখনত সামৰি লোৱা হৈছে৷
‘বনলতা’ৰ প্ৰকাশক প্ৰদ্যুৎ হাজৰিকাই উল্লেখ কৰিছে যে মহান উদ্যোগপতি গৰাকীলৈ শ্ৰদ্ধাৰ্ঘ হিচাপেই এই বিশেষ গ্ৰন্থখন প্ৰকাশ কৰা হৈছে৷এখন অনুপ্ৰেৰণামূলক গ্ৰন্থ হিচাপে ’ৰতন টাটা’ই সকলো শ্ৰেণীৰ পঢ়ুৱৈক আকৃষ্ট কৰিব পাৰিব বুলি আশা প্ৰকাশ কৰিছে লেখক খনীন্দ্ৰ কুমাৰ ডেকাই৷