জামুগুৰিহাট : ৬৬তম বনপ্ৰাণী সুৰক্ষা দিৱস উপলক্ষ্যে আজি জামুগুৰিহাটৰ কুসুমটোলাত থকা বনবিভাগৰ পশ্চিম বনাঞ্চলিক কাৰ্য্যালয়ত বনবিভাগৰ তৰফৰ পৰা ১৩ গৰাকী প্ৰকৃতি প্ৰেমিক সম্বৰ্দ্ধনা জনোৱা হয়। জামুগুৰি, চতিয়াৰ দক্ষিণ প্ৰান্তত থকা কাজিৰঙা ৰাষ্ট্ৰীয় উদ্যানৰ ষষ্ঠ সংযোজনৰ পৰা বিভিন্ন সময়ত জনাঞ্চললৈ ওলাই অহা বন্য জীৱ-জন্তু সমূহক সুৰক্ষা প্ৰদান কৰি বনবিভাগৰ সহযোগত পুনৰ বনাঞ্চললৈ উভতাই পঠোৱাৰ ক্ষেত্ৰত সহায় সহযোগিতা আগবঢ়োৱা চয়দুৰ ৰহমান, মিন্টু নাথ,আব্দুল মানাছ,ৰফিকুল ইছলামকে ধৰি মুঠ ১৩গৰাকী প্ৰকৃতিপ্ৰেমীক সম্বৰ্দ্ধনা জনোৱা হয়।সভাত বন সংপালক দেৱজিৎ শইকীয়া, উপ বন সংপালক ৰাফেল দাসকে ধৰি বনবিভাগৰ বিষয়া সকল উপস্থিত আছিল।
