মেকআপ কৰিবলৈ অস্বীকাৰ! কোটি কোটি টকাৰ ফেয়াৰনেছ ক্ৰীমৰ বিজ্ঞাপনৰ প্ৰস্তাৱ নাকচ, বিনা মেকআপত ছবিজগতৰ হিট অভিনেত্ৰী…
চলচ্চিত্ৰ জগতত মেকআপ লুক অন্যতম। মেকআপ লুকৰ উন্মাদনাৰ মাজত মেকআপ নোহোৱাকৈয়ে থকা অভিনেত্ৰী অতি কম। কিন্তু আজি আমি এনে এগৰাকী তাৰকাৰ কথা ক’ম, যিগৰাকী মেকআপ নোহোৱাকৈ ছবিজগতত বিখ্যাত। মাত্ৰ ১৩ বছৰ বয়সৰ পৰাই চলচ্চিত্ৰ জগতত সক্ৰিয় হৈ থকা এইগৰাকী অভিনেত্ৰী নিজৰ প্ৰাকৃতিক ছালখন প্ৰদৰ্শনৰ বাবে বিখ্যাত। এইগৰাকী অভিনেত্ৰী ছবিতো মেকআপ নকৰে, এসময়ত তেওঁ কোটি কোটি টকাৰ ফেয়াৰনেছ ক্ৰীমৰ বিজ্ঞাপনৰ প্ৰস্তাৱো নাকচ কৰিছিল। প্ৰতিভা আৰু অভিনয়ৰ জৰিয়তে নিজৰ নাম উজলাই তোলা এইগৰাকী অভিনেত্ৰী আজি এই উদ্যোগৰ সৰ্বাধিক দৰমহা পোৱা অভিনেত্ৰীসকলৰ ভিতৰত অন্যতম।
![](https://www.dainandinbartagroup.in/wp-content/uploads/2024/07/sai-pallavi-3-new_2023051016691.jpg)
এই অভিনেত্ৰীগৰাকী হৈছে সাই পল্লৱী, সাই পল্লৱীয়ে এটা পুৰণি সাক্ষাৎকাৰত ছবিত মেকআপ নকৰাৰ কথা কৈছিল। পল্লৱীয়ে কৈছিল যে তেওঁ প্ৰথম ছবিখনত মেকআপ কৰা নাছিল আৰু ভৱিষ্যতেও নকৰে। আনহাতে কিছুমান পৰিচালকে তাইক লাইট মেক-আপ কৰিবলৈ পৰামৰ্শ দিছিল। তেওঁ ক’লে যে মোৰ অভিনয় মোৰ স্বাভাৱিক চেহেৰাত অধিক স্পষ্টকৈ দেখা যায়। যেতিয়া খং বা লাজ লাগে তেতিয়া মোৰ গাল দুখন ৰঙা হৈ পৰে। পৰিচালকসকলে ভাল পাইছিল মোৰ এই চেহেৰা। গতিকে মই মোৰ ছবিবোৰত বেছিভাগেই আইলাইনাৰ ব্যৱহাৰ কৰো। মই এই কামটো কৰো কাৰণ ইয়াৰ ফলত মোৰ চকু দুটা ডাঙৰ দেখা যায়। পোহৰৰ মাজত মোৰ চকু দুটা সৰু হৈ পৰে।এইদৰে মন্তব্য কৰে অভিনেত্ৰীগৰাকীয়ে।