পুনৰ বৃদ্ধি হ’ব পাৰে মোবাইলৰ বিভিন্ন সেৱাৰ মূল্য। ভাৰতী এয়াৰটেলৰ মতে ২০২২ চনত সকলো ধৰণৰ মোবাইল সেৱাৰ মূল্য বৃদ্ধি পোৱাৰ সম্ভাৱণা আছে। কোম্পানীৰ বিশিষ্ট অধিকাৰীয়ে কয় যে এয়াৰটেলে মাচুল বৃদ্ধি কৰাৰ বাবে কুণ্ঠাবোধ নকৰে।কোম্পানীটোৱে প্ৰতিজন গ্ৰাহকৰ গড় ৰাজহ (এআৰপিইউ) ২০০ টকালৈ আনিব বিচাৰে। ২০২১ চনৰ নৱেম্বৰত, এয়াৰটেলে প্ৰথমে মোবাইল আৰু সেৱাৰ হাৰ ১৮ শতাংশৰ পৰা ২৫ শতাংশলৈ বৃদ্ধি কৰিছিল।
ভাৰতী এয়াৰটেলৰ ভাৰত আৰু দক্ষিণ এছিয়াৰ পৰিচালনা সঞ্চালক আৰু মুখ্য কাৰ্যবাহী বিষয়া (চিইও) গোপাল ভিট্টালে কয়, ”মই ভাৱো যে ২০২২ চনত শুল্ক বৃদ্ধি পাব।অৱশ্যে এয়া আগন্তুক তিনি চাৰিমাহলৈ নহয়। মই আশা কৰোঁ পৰৱৰ্তী পৰ্যায়ৰ মাচুল বৃদ্ধি হ’ব। অৱশ্যে, এইটো প্ৰতিদ্বন্দীসকলে নিৰ্ণয় কৰিব লাগিব।”
তেওঁ কোম্পানীৰ বিভিন্ন দিশৰ ফলাফল ঘোষণা কৰাৰ সময়ত বিশ্লেষকসকলৰ এটা প্ৰশ্নত এই কথা উল্লেখ কৰে। ডিচেম্বৰ তিনিমাহৰ বাবে ভাৰতী এয়াৰটেলৰ একত্ৰিত মুঠ লাভ ২.৮ শতাংশ হ্ৰাস হৈ ৮৩০ কোটি টকালৈ হ্ৰাস পাইছে। তিনিমাহৰ ভিতৰত কোম্পানীটোৰ একত্ৰিত উপাৰ্জন ১২.৬ শতাংশ বৃদ্ধি হৈ ২৯,৮৬৭ কোটি টকাহৈছে। উল্লেখ্য যে, ভাৰতত, এয়াৰটেলৰ নেটৱৰ্কত প্ৰতিজন গ্ৰাহকৰ ডাটাৰ ব্যৱহাৰ ১১.৭ শতাংশ বৃদ্ধি হৈ ১৬.৩৭ গিগাবিট (জিবি)ৰ পৰা ১৮.২৮ জিবি হৈছে।