২০১৮ চনৰ আত্মহত্যাৰ গোচৰত আটক ৰিপাব্লিক টিভিৰ সম্পাদক অৰ্নৱ গোস্বামীক
দৈনন্দিন বাৰ্তাৰ সেৱা, মুম্বাই, ৪ নৱেম্বৰঃ ৰিপাব্লিক টিভিৰ সম্পাদক অৰ্নৱ গোস্বামীক আটক। ২০১৮ চনৰ আত্মহত্যাৰ গোচৰত মুম্বাই আৰক্ষীয়ে আটক কৰে ৰিপাব্লিক টিভিৰ সম্পাদক গৰাকীক।
২০১৮ চনৰ মে ৫৩ বছৰীয়া ইন্টেৰিয়ৰ ডিজাইনাৰ আনভাই নাইক আৰু তেওঁৰ মাতৃ কুমুদ নাইকৰ আত্মহত্যাৰ ফলত মৃত্যু হৈছিল। আনভাই নাইকে লিখা আত্মহত্যাৰ টোকা পোৱা গৈছিল।
নাইকে লিখিছিল যে, গোস্বামী আৰু আন দুজনে তেওঁক ৫.৪০ কোটি টকা পৰিশোধ কৰা নাই। যাৰ ফলত তেওঁৰ বিত্তীয় বাধাৰ সৃষ্টি হৈছিল। উপযুক্ত প্ৰমাণৰ অভাৱত ২০১৯ চনত গোচৰটো বন্ধ হৈছিল যদিও ২০২০ চনৰ মে মাহত এই আত্মহত্যা ঘটনাৰ চিআইডি তদন্তৰ ঘোষনা কৰিছিল মহাৰাষ্ট্ৰৰ গৃহমন্ত্ৰী অনিল দেশমুখে।