শিৱসাগৰ জিলাৰ আমগুৰি সমষ্টিৰ মুল পথ হিচাপে পৰিগণিত হৈ থকা ঐতিহাসিক ধোদৰ আলিৰ আমগুৰি জাঁজী দলঙৰ পৰা চামগুৰি ৰজা মৈদাম সমীপ লৈকে পুনৰ নিৰ্মাণ কৰিবলৈ অহা প্ৰায় ৮ কি:মি পথছোৱা নিৰ্মাণ কৰিবৰ বাবে ৰাজ্য চৰকাৰে প্ৰায় ৮’৭৫ কোটি টকা লোক নিৰ্মাণ বিভাগৰ অধীনত মুকলি কৰি দিছিল। সেই টকাৰে নিৰ্মাণ কৰা পথটো প্ৰথমৰ পৰাই ঠিকাদাৰ আৰু অভিযন্তাই মিলি দুৰ্নীতি কৰি অহা দেখিবলৈ পোৱা গৈছে। বিগত ছেপ্টেম্বৰ মাহতে আৰম্ভ কৰা পথ পুণৰ নিমাণ কামটোত আমগুৰি নগৰৰ অংশত বখলা ব্লেক টেপিং এৰি যোৱা পৰিলক্ষিত হৈছিল। পৰৱৰ্তী সময়ত বিভিন্ন মহলে অভিযোগ দিয়াত নগৰ অংশ ভাল কৰে যদিও পুনৰ বাকী অংশত দুৰ্নীতি কৰা দেখিবলৈ পোৱা গৈছে। আৰ টি আই উল্লেখিত তথ্য অনুসৰি ৯ কি: মি: পথটো সৃষ্টি হৈ সৰু সৰু গাতত শিল দিবৰ ৬৫’২২ লাখ টকা পুঁজি ধায্য হৈছিল। কিন্তু ৬৫ ‘২২ লাখ টকা বাদেই ১০ লাখ টকাৰো শিল দিয়া পৰিলক্ষিত নহল। উক্ত পথ নিৰ্মানত সংঘটিত হোৱা দুৰ্নীতিৰ তদন্ত বিচাৰি কেন্দ্ৰীয় সমিতিৰ সহ সচিব প্ৰধান আকাশ শইকীয়া আৰু কেন্দ্ৰীয় সমিতিৰ কায্যকৰি সভাপতি যাদব গগৈ আৰু আমগুৰি আঞ্চলিক সমিতিৰ সভাপতি মলয়জ শইকীয়া, ভাৰপাপ্ত সচিব অংকুৰ গগৈয়ে ৪ এপ্ৰিল তাৰিখে জিলাৰ অতিৰিক্ত উপায়ুক্তৰ কায্যালয়ত আমগুৰি চক্ৰ বিষয়া মৌচুমী লাহন আৰু আমগুৰি লোক নিমান বিভাগৰ AEE ৰিতুৰাজ গগৈ আৰু অভিযন্তা মোহন বৰাৰ উপস্থিত এক আলোচনাত মিলিত হয়।
উক্ত আলোচনাত অতিৰিক্ত উপায়ুক্তই ২০ এপ্ৰিলৰ ভিতৰত ভগ্ন কালভাৰ্ট পুনৰ নিৰ্মাণ কাম আৰম্ভ কৰা লগতে শিল দিয়াৰ নামত সংঘটিত হোৱা ৬৫,২২ লাখ টকাৰ এক উচ্চ স্তৰৰ তদন্ত ঘোষণা কৰে । কিন্তু প্ৰায় ৩০ দিন উকলি যোৱা পাছতো ভগ্ন কালভাৰ্টো নিৰ্মাণ কৰিছে যদিও আজি ৫০ টা দিন উকলি যোৱাৰ পাছতো আমি ৬৫ লাখ টকাৰ তদন্ত নামত কোনো এটা সঠিক উত্তৰ আমি নাপালোঁ। ইফালে দুৰ্নীতি গাপ দিবলৈ ভণ্ড ঠিকাদাৰে সংবাদ মাধ্যমক বিপথে পৰিচালিত কৰাহে দেখিবলৈ পোৱা গৈছে। সেয়েহে আমি বৃহত্তৰ অসমীয়া যুব মঞ্চৰ কেন্দ্ৰীয় সমিতিয়ে দাবী কৰা কোনো এটা কাম আজিকোপতি ফলপ্ৰসূ নোহোৱাত এলানি জংগী আন্দোলনৰ ঘোষণা কৰিছো। অহা ২৬ মে বৃহস্পতিবাৰে আমগুৰি নগৰৰ মাজমজিয়াত ৩ ঘণ্টীয়া অবস্থান ধৰ্মঘট কায্যসূচী গ্ৰহণ কৰাৰ লগতে ৬১ নং ৰাষ্ট্ৰীয় ঘাইপথ অবৰোধৰ কায্যসূচী হাতত লোৱা হৈছে। গতিকে সকলো ৰাইজৰে সহায় সহযোগ বিচাৰিছো