২৭ কোটি টকাত ঋষভ পণ্টক ক্ৰয় LSGৰ। IPL ইতিহাসৰ আটাইতকৈ দামী খেলুৱৈ হিচাপে পৰিগণিত ঋষভ পণ্ট। দেওবাৰৰ পৰা দুদিনীয়াকৈ IPL ২০২৫ৰ মেগা নিলাম।(Rishab Pant)
আনহাতে লক্ষ্ণৌ ছুপাৰ জায়েণ্টছে ২৭ কোটি টকাত ঋষভ পণ্টক ক্ৰয় কৰাৰ বাবে আক্ষেপ প্ৰকাশ কৰিছে দলৰ মালিক সঞ্জীৱ গোৱেংকাৰে। তেওঁ অনুভৱ কৰে যে পণ্টক বেছি টকা দিয়া হৈছে।(LSG)
দিল্লী কেপিটেলে ‘ৰাইট টু মেচ কাৰ্ড’ ব্যৱহাৰ কৰি পন্টক ধৰি ৰাখিব বিচাৰিছিল। কিন্তু দিল্লীৰ সামৰ্থ নহ’ল। ফলত পন্ট লক্ষ্ণৌলৈ যায়। ২৭ কোটি টকাৰে LSGৰে ক্ৰয় কৰে ঋষভক। কিন্তু ইমান টকা দিব বুলি ভবা নাছিল দলৰ স্বত্বাধিকাৰীয়ে। গোৱেংকাই ক’লে, “আমাৰ এটা পৰিকল্পনা আছিল। আমি তেওঁৰ বাবে প্ৰায় ২৬ কোটি টকা ৰাখিছিলো। কিন্তু অলপ বেছি টকা দিলোঁ। কিন্তু তেওঁৰ দৰে ক্ৰিকেটাৰ এজন পাই আমি সুখী।’(IPL 2025 Auction)
গোৱেংকাই অনুভৱ কৰে যে পণ্টে তেওঁলোকৰ দলৰ শক্তি বঢ়াব। তেওঁ কয়, ‘পণ্ট এজন ডাঙৰ ক্ৰিকেটাৰ। অকলে মেচখন জিকিব পাৰে। তেওঁ দলৰ হৈ খেলে। এতিয়াৰ পৰা তেওঁ লক্ষ্ণৌৰ সদস্য।” পণ্ট আছিল দিল্লী কেপিটেলছৰ অধিনায়ক। লক্ষ্ণৌ দলৰ অধিনায়ক হ’বনে নহ’ব এই সন্দৰ্ভত এতিয়াও একো কোৱা নাই গোৱেংকাই।(Sanjiv Goenka)